Bokstan ÁCh: Qazaqstan quramasynan kimder jartylaı fınalǵa shyqty?

Ulybrıtanııanyń Lıverpýl qalasynda World Boxing aıasynda ótip jatqan álem chempıonaty jartylaı fınalǵa jetti.

Ázirshe Qazaqstan quramasynan 8 sportshy ½ fınalǵa shyqty. О́zbekstan komandasynan 9 boksshy jartylaı fınalda judyryqtasatyn bolyp otyr.  Qytaıdyń bylǵary qolǵap sheberlerinen 6 sportshy sharshy alańǵa shyǵady.

Sonymen birge jartylaı fınalda Brazılııa men Anglııadan 4 boksshy, Irlandııa, Túrkııa, Úndistan, Avstralıdan 3 sportshy, Ázerbaıjan, Taıpeı, Polsha, Ispanııa, Japonııa, Kýba, Bolgarııadan  2 adam fınalǵa shyǵý úshin qolǵap túıisteredi. Al AQSh, Italııa, Iordanııa, Horvatııa, Ońtústik Koreıa, Vengrııa, Franııa, Kolýmbııa, Kanada, Venesýela, Grýzııadan bir-bir boksshydan jartylaı fınalda judyryqtasady.

Búgin ulttyq quramadan Sanjar Táshkenbaı (50 kg) men Nazym Qyzaıbaı (48 kg) shırek fınalda sharshy alańǵa shyǵady.

Elimizdiń erler quramasynan ázirshe Mahmud Sabyrhan (55 kg), Tórehan Sabyrhan (70 kg), Aıbek Oralbaı (90 keliden asa salmaq), áıelder quramasynan Alýa Balqybekova (51 kg), Vıktorııa Grafeeva (60 kg), Aıda Ábikeeva (65 kg), Natalıa Bogdanova (70 kg), Eldana Talıpova (80 keliden asa salmaq) jartylaı fınalda synǵa túsedi.

El quramasynan erlerde Beıbarys Jeksen (60 kg), Ertýǵan Zeınýlınov (65 kg), Sabyrjan Aqqalyqov (75 kg), Nurbek Oralbaı (80 kg), Bekzat Nurdáýletov (85 kg), Saǵyndyq Toǵambaı (90 kg), Elına Bazarova (54 kg), Karına Ibragımova (57 kg), Nadejda Rıabe (75 kg), Gúlsaıa Erjan (80 kg) jekpe-jekterin erte bitirdi.

Dastan KENJALIN,

ASTANA