SportPress.kz قازاقستان سپورت جاڭالىقتارى
تاريحي مەدال! قازاقستان XXI عاسىردا اراعا 26 جىل سالىپ، گرەك-ريم كۇرەسىنەن الەم چەمپيوناتىنىڭ العاشقى التىن جۇلدەسىن جەڭىپ الدى، دەپ حابارلادى تۋريزم جانە سپورت مينيسترلىگى سپورتتى دامىتۋ ديرەكتسياسىنىڭ ءباسپاسوز قىزمەتى.
حورۆاتيانىڭ استاناسى زاگرەب قالاسىندا ءوتىپ جاتقان گرەك-ريم كۇرەسىنەن الەم چەمپيوناتىندا قازاقستان قورجىنىنا التىن مەدال ءتۇستى. وتانداسىمىز ايدوس سۇلتانعالي 60 كگ دەيىنگى سالماقتىڭ فينالىندا الىشەر گانيەۆتى (وزبەكستان) جەڭدى.
ايدوس سۇلتانعالي ەلىمىزگە 26 جىلدان كەيىن ەرەسەكتەر اراسىنداعى الەم چەمپيوناتىنىڭ التىن مەدالىن سىيلادى. وسىعان دەيىن گرەك-ريم كۇرەسىنەن افينادا 1999 جىلى وتانداسىمىز محيتار مانۋكيان (63 كگ) توپ جارعان ەدى. وسى ارالىقتا المات كەبىسپاەۆ، مەيرامبەك ايناعۇلوۆ، دەمەۋ جادىراەۆ، قورلان جاقانشا، ەرجەت جارلىقاسىن سىندى بوزكىلەم شەبەرلەرى باس جۇلدەگە ءبىر تابان جاقىن بولدى. جالپى العاندا سۇلتانعالي — ەگەمەندىك العاننان بەرى كۇرەستىڭ وسى تۇرىنەن ەرەسەكتەر اراسىنداعى الەم چەمپيوناتىنىڭ فينالىندا كۇرەسكەن ونىنشى قازاق پالۋانى.
گرەك-ريم كۇرەسى ەلىمىزدە بۇقارالىق سيپات العان تانىمال سپورت ءتۇرىنىڭ قاتارىنا كىرەدى. بۇگىندە بۇل جەتىستىكتىڭ ءبارى مەملەكەت تاراپىنان كۇرەسكە باسىمدىق بەرىلىپ، بارلىق جاعداي جاسالىپ جاتقاننىڭ ارقاسىندا.
29 جاستاعى قىزىلوردالىق سپورتشى وسىعان دەيىن 60 كگ دەيىنگى سالماقتا الەم چەمپيوناتىندا 2 رەت قولا مەدال يەلەنگەن.
سۇلتانعالي كەشە حورۆاتياداعى چەمپيوناتتىڭ ىرىكتەۋىندە ماكسۆەلل حوپپەر بلەكتى (اقش)، مەلكامۋ فەتەنەنى (يزرايل)، شيرەك فينالدا پاريج وليمپياداسىنىڭ قولا جۇلدەگەرى، ازيا ويىندارىنىڭ قولا جۇلدەگەرى سەۋن ءليدىڭ (سولتۇستىك كورەيا) جاۋىرىنىن جەرگە تيگىزىپ، قايتىپ تۇرا الماستاي، شاماسى كەلمەستەي ەتىپ جىقتى. جارتىلاي فينالدا اميران چاۆادزەدەن (گرۋزيا) مىقتى ەكەنىن دالەلدەدى.
ەسكە سالا كەتەيىك، ايدوس سۇلتانعالي وسىعان دەيىن 60 كگ دەيىنگى سالماقتا الەم چەمپيوناتىندا 2 رەت قولا مەدال يەلەنگەن.
فوتو: تۋريزم جانە سپورت مينيسترلىگى سپورتتى دامىتۋ ديرەكتسياسىنىڭ ءباسپاسوز قىزمەتى
