XXI ǵasyrdaǵy alǵashqy altyn medal!

Tarıhı medal! Qazaqstan XXI ǵasyrda araǵa 26 jyl salyp, grek-rım kúresinen álem chempıonatynyń alǵashqy altyn júldesin jeńip aldy, dep habarlady Týrızm jáne sport mınıstrligi Sportty damytý dırekııasynyń baspasóz qyzmeti.

Horvatııanyń astanasy Zagreb qalasynda ótip jatqan grek-rım kúresinen álem chempıonatynda Qazaqstan qorjynyna altyn medal tústi. Otandasymyz Aıdos Sultanǵalı 60 kg deıingi salmaqtyń fınalynda Álisher Ganıevti (О́zbekstan) jeńdi.

Aıdos Sultanǵalı elimizge 26 jyldan keıin eresekter arasyndaǵy álem chempıonatynyń altyn medalin syılady. Osyǵan deıin grek-rım kúresinen Afınada 1999 jyly otandasymyz Mhıtar Manýkıan (63 kg) top jarǵan edi. Osy aralyqta Almat Kebispaev, Meırambek Aınaǵulov, Demeý Jadyraev, Qorlan Jaqansha, Erjet Jarlyqasyn syndy bozkilem sheberleri bas júldege bir taban jaqyn boldy. Jalpy alǵanda Sultanǵalı — egemendik alǵannan beri kúrestiń osy túrinen eresekter arasyndaǵy álem chempıonatynyń fınalynda kúresken onynshy qazaq palýany.

Grek-rım kúresi elimizde buqaralyq sıpat alǵan tanymal sport túriniń qataryna kiredi. Búginde bul jetistiktiń bári memleket tarapynan kúreske basymdyq berilip, barlyq jaǵdaı jasalyp jatqannyń arqasynda.

29 jastaǵy qyzylordalyq sportshy osyǵan deıin 60 kg deıingi salmaqta álem chempıonatynda 2 ret qola medal ıelengen.

Sultanǵalı keshe Horvatııadaǵy chempıonattyń irikteýinde Maksvell Hopper Blekti (AQSh), Melkamý Feteneni (Izraıl), shırek fınalda Parıj Olımpıadasynyń qola júldegeri, Azııa oıyndarynyń qola júldegeri Seýn Lıdiń (Soltústik Koreıa) jaýyrynyn jerge tıgizip, qaıtyp tura almastaı, shamasy kelmesteı etip jyqty. Jartylaı fınalda Amıran Chavadzeden (Grýzııa) myqty ekenin dáleldedi.

Eske sala keteıik, Aıdos Sultanǵalı osyǵan deıin 60 kg deıingi salmaqta álem chempıonatynda 2 ret qola medal ıelengen.

Foto: Týrızm jáne sport mınıstrligi Sportty damytý dırekııasynyń baspasóz qyzmeti