Қазақстан жүзушілері Азия чемпионатында жүлдегер атанды

Үндістанның Ахмедабад қаласында су спорт түрлерінен 11-ші Азия чемпионаты болып жатыр, деп хабарлады Туризм және спорт министрлігі Спортты дамыту дирекциясының баспасөз қызметі.

Жарыстың алғашқы күні жүзуден Қазақстан құрамасы үш медаль жеңіп алды:

Күміс медаль: Максим Сказобцов – 100 м баттерфляй, 52.66

Күміс жүлде: София Әбубәкірова – 50 м шалқалай жүзу, 28.90

Қола медаль: Софья Сподаренко – 100 м баттерфляй, 1:01.14

Сондай-ақ суға секіруден финалдық сайыстар болды. Өкінішке қарай, бұл бағдарламада Қазақстан спортшылары жүлдеге жете алмады.

Жекелей сын, биіктігі 1 метр трамплин:

Назар Қожанов – 6-орын, 276.50 ұпай

Эмиль Қасымов – 18-орын, 219.40 ұпай

Синхронды секіру, биіктігі 3 метр трамплин:

Кирилл Новиков / Назар Қожанов – 9-орын, 242.94 ұпай.