III تمد ەلدەرى ويىندارى: قازاقستان جۇزۋدەن 19 جۇلدە الدى

بۇگىن ازەربايجاننىڭ گياندجا قالاسىندا جۇزۋدەن III تمد ەلدەرى ويىندارىنىڭ سوڭعى جۇلدەلەرى ساراپقا سالىندى، دەپ حابارلادى تۋريزم جانە سپورت مينيسترلىگى سپورتتى دامىتۋ ديرەكتسياسىنىڭ ءباسپاسوز قىزمەتى.

قازاقستان سپورتشىلارى 4 ديستسيپلينادا سىنعا ءتۇسىپ، سونىڭ ىشىندە 2 كۇمىس، 1 قولا مەدال يەلەندى. جۇلدەگەرلەر:

تايسيا كوروتكوۆا (كەشەندى ءجۇزۋ، 400 م) – كۇمىس مەدال

قازاقستان ۇلدار قۇراماسى (كەشەندى ءجۇزۋ، 4ح100 م) – كۇمىس جۇلدە

قازاقستان قۇراماسى، ميكست (كەشەندى ءجۇزۋ، 4ح100 م) – قولا مەدال.

گياندجا قالاسىندا جۇزۋدەن 5 كۇنگە سوزىلعان جارىستا قازاقستان قۇراماسى بارلىعى 9 كۇمىس جانە 10 قولا جۇلدە جەڭىپ الدى. كوماندا ساپىنداعى كوشباسشىنىڭ ءبىرى تايسيا كوروتكوۆا جوعارى دايارلىعىن كورسەتىپ، جەكەلەي جانە كوماندالىق سىندى قوسقاندا 9 جۇلدەگە يە بولدى.

كەشەندى جارىس ازەربايجاننىڭ گياندجا، ەۆلاح، مينگياچەۆير، گابالا، شەكي، گەيگيول مەن حانكەندى سىندى 7 قالاسىندا قاتار بولىپ جاتىر. بيىل دوداعا 13 ەلدەن بارلىعى 1600-دەن استام سپورتشى جينالدى. ولار 23 ديستسيپلينادا ءوزارا جۇلدەگە تالاسىپ جاتىر. III تمد ەلدەرى ويىندارى 8 قازاندا مارەسىنە جەتەدى.

قازىر قازاقستان 2 التىن، 13 كۇمىس جانە 24 قولا مەدالمەن جالپىكوماندالىق ەسەپتە 5-ورىندا تۇر.