III TMD elderi oıyndary: Qazaqstan júzýden 19 júlde aldy

Búgin Ázerbaıjannyń Gıandja qalasynda júzýden III TMD elderi oıyndarynyń sońǵy júldeleri sarapqa salyndy, dep habarlady Týrızm jáne sport mınıstrligi Sportty damytý dırekııasynyń baspasóz qyzmeti.

Qazaqstan sportshylary 4 dısıplınada synǵa túsip, sonyń ishinde 2 kúmis, 1 qola medal ıelendi. Júldegerler:

Taıısııa Korotkova (keshendi júzý, 400 m) – kúmis medal

Qazaqstan uldar quramasy (keshendi júzý, 4h100 m) – kúmis júlde

Qazaqstan quramasy, mıkst (keshendi júzý, 4h100 m) – qola medal.

Gıandja qalasynda júzýden 5 kúnge sozylǵan jarysta Qazaqstan quramasy barlyǵy 9 kúmis jáne 10 qola júlde jeńip aldy. Komanda sapyndaǵy kóshbasshynyń biri Taıısııa Korotkova joǵary daıarlyǵyn kórsetip, jekeleı jáne komandalyq syndy qosqanda 9 júldege ıe boldy.

Keshendi jarys Ázerbaıjannyń Gıandja, Evlah, Mıngıachevır, Gabala, Shekı, Geıgıol men Hankendi syndy 7 qalasynda qatar bolyp jatyr. Bıyl dodaǵa 13 elden barlyǵy 1600-den astam sportshy jınaldy. Olar 23 dısıplınada ózara júldege talasyp jatyr. III TMD elderi oıyndary 8 qazanda máresine jetedi.

Qazir Qazaqstan 2 altyn, 13 kúmis jáne 24 qola medalmen jalpykomandalyq esepte 5-orynda tur.