Qazaqstan Soltústik Makedonııany sońǵy múmkindiginen aıyrdy

Fýtboldan 2026 jylǵy álem chempıonaty irikteý kezeńinde Qazaqstan quramasy Soltústik Makedonııa komandasymen oınap, 1:1 esebimen teń tústi.

Bul matchta ulttyq qurama jaqsy oınady. Alań ıeleri de jeńiske jetýge bar kúsh-jigerin saldy. Komandalardyń gol soǵýǵa bir emes, birneshe múmkindikteri boldy.

Birinshi bolyp dopty torǵa Qazaqstan quramasy toǵytty. Oıynnyń 54-mınýtynda Dinmuhamed Qaraman ulttyq quramany  alǵa shyǵardy. Odan keıin makedonııalyq Enıs Bardı 74-mınýtta tarazy basyn teńestirdi.

Matchta jas shabýylshy Ǵalymjan Kenjebektiń oıyny kózge túsip otyrdy. Onyń qos qaptaldan sýyrylyp shyǵyp, tepken soqqylary qarsylastyń qaqpasyna kádimgideı qaýipti tóndirip jatty. Osy jerde aıta ketetin bir nárse, jas talantqa Ispanııanyń «Betıs» klýby qyzyǵýshylyq tanytyp jatyr degen áńgime bar.

Qaqpashy Muhamedjan Seısen de birneshe ret seıv jasap, qaqpany qorǵap qaldy. Jalpy aıtqanda, ulttyq quramanyń barlyq oıynshysy óz pozıııasynda laıyqty oıyn órnegin kórsetti.

Bul topta Belgııa quramasy syrt alańda Ýelsti 4:2 esebimen jeńip, álem chempıonatyna joldama alýǵa jaqyn qaldy. Al Soltústik Makedonııa Qazaqstanmen teń oınap, mýndıalǵa shyǵý múmkindiginen tolyǵymen aıyryldy. Endi otandastarymyz aldaǵy oıynyn 15 qarashada óz alańynda álemdik dodaǵa joldama alýǵa jaqyn qalǵan Belgııamen oınaıdy.

Osy oıynnan keıin Qazaqstan quramasynyń enshisinde 7 upaı bar.

Álem chempıonaty-2026. Irikteý kezeńi, J toby

Soltústik Makedonııa – Qazaqstan – 1:1 (0:0)

Goldar: Enıs Bardı 74 – Dinmuhamed Qaraman 54

Eskertý: Isnık Alımı 45+1 – Baktıer Zaınýtdınov 64, Baǵdat Qaıyrov 65, Islambek Qýat 81, Dáýren Jumat 90+4

Soltústik Makedonııa: Stole Dımıtrıevskı (Q) – Egzııan Alıoskı, Djoko Zaıkov, Darko Velkoskı (Tıhomır Kostadınov 46), Andreı Stoıchevskı (Nıkola Serafımov 75) – Isnık Alımı (Aleksandar Traıkovskı 75), Boıan Ilıevskı, Boıan Mıovskı (Darko Chýrlınov 46), Enıs Bardı (K), Elıf Elmas – Mılan Rıstovskı (Elmın Rastoder 62);

Qosalqy quram: Deıan Ilıev (Q), Damıan Shıshkovskı (Q) – Stefan Despotovskı – Stefan Ashkovskı, Davıd Babýnskı, Ianı Atanasov, Lýka Stankovskı;

Bas jattyqtyrýshy: Blagoıa Mılevskı.

Qazaqstan: Muhammedjan Seısen (Q) – Ian Vorogovskıı (Naýryzbek Jagorov 85), Álibek Qasym, Nuraly Álip (K), Baǵdat Qaıyrov​ – Islambek Qýat, Dinmuhamed Qaraman (Mýrodjon Halmatov 70), Baktıer Zaınýtdınov (Damır Qasabýlat 85) – Ǵalymjan Kenjebek (Dáýren Jumat 61), Islam Chesnokov, Ivan Svırıdov (Artýr Shýshenachev 61);

Qosalqy quram: Stas Pokatılov (Q), Bekhan Shaızada (Q) – Sultanbek Astanov, Ádilbek Jumahanov, Sergeı Malyı – Georgıı Jýkov, Almas Tólibaı;

Bas jattyqtyrýshy: Talǵat Baısýfınov.

Tóreshiler: Hýan Martınes, Dıego Barbero, Assıstenty referı, Ivan Masso (bári – Ispanııa)

VAR tóreshisi: Haver Iglesıas Vılıanýeva (Ispanııa)

AVAR tóreshisi: Gılermo Kýadra (Ispanııa)

13.10.2025. 23:45. «Toshe Proeskı», Skope.

Ulttyq qurama qazirge deıin Belgııa (0:6), Soltústik Makedonııa (0:1) jáne eki márte Ýels (1:3, 0:1) quramasynan jeńilip, Lıhtenshteınnen eki márte (2:0, 4:0) basym tústi.

Soltústik Makedonııa Lıhtenshteındi (3:0, 5:0) eki ret jeńse, Belgııamen eki ret (1:1, 0:0), Ýelspen (1:1) teń oınady.

 

Dastan KENJALIN,

ASTANA