پاراۆولەيبولدان ۇلتتىق قۇراما الەم كۋبوگىندا قولا جۇلدە الدى

اقش-تىڭ فورت-ۋەين قالاسىندا ۆولەيبولدى وتىرىپ ويناۋدان الەم كۋبوگى ءۇشىن جارىس اياقتالدى.

بۇل سىندا قازاقستان قۇراماسى قولا جۇلدە ءۇشىن اقش قۇراماسىمەن وينادى.

باۋىرجان تاحاۋوۆ جاساقتاعان قۇراما كوماندا العاشقى ەكى پارتيادا امەريكالىقتاردان 25:23، 25:18 ەسەبىمەن باسىم ءتۇستى. سودان كەيىن الاڭ يەلەرى كەلەسى سەتتە 25:15 ەسەبىمەن جەڭدى. دەگەنمەن ءتورتىنشى سەتتە وتانداستارىمىز تاعى العا شىقتى. ەسەپ — 25:23. ءسويتىپ، قورىتىندى ەسەپتە قازاقستان كومانداسى 3:1 ەسەبىمەن جەڭىسكە جەتتى.

بۇل تۋرنير 2028 جىلى لوس-اندجەلەستە وتەتىن پاراليمپيادا ويىندارىنا قاتىسۋ ءۇشىن رەيتينگىلىك ۇپاي بەرەدى. وسى دودادا پاراۆولەيبولشىلار ۇزدىك ۇشتىكتەن كورىندى.

توپتىق كەزەڭدە قازاقستان قۇراماسى سوڭعى ماتچتا تايلاندتى 3:0 (25:15، 25:8، 25:14) ەسەبىمەن جەڭگەن ەدى. تەك جارتىلاي فينالدا عانا مىسىرعا 0:3 (12:25، 23:25، 18:25) ەسەبىمەن ەسە جىبەردى.

رۇستەم جۇمان،

استانا