SportPress.kz قازاقستان سپورت جاڭالىقتارى
كۇرەس تۇرلەرىنەن سەربيانىڭ نوۆي-ساد قالاسىندا ءوتىپ جاتقان 23 جاسقا دەيىنگى الەم چەمپيوناتىندا ەل قورجىنىنا ەكىنشى جۇلدە ءتۇستى، دەپ حابارلادى تۋريزم جانە سپورت مينيسترلىگى سپورتتى دامىتۋ ديرەكتسياسىنىڭ ءباسپاسوز قىزمەتى.
گرەك-ريم كۇرەسىنەن 97 كەلىدەگى يۋسۋف ماتسيەۆ فينالدىق باسەكەدە ۋكراينا سپورتشىسى ەگور ياكۋشەنكودان 1:6 ەسەبىمەن ەسە جىبەردى.
وتانداسىمىز الەم چەمپيوناتىندا كيو كيتاۆاكيدى (جاپونيا) 2:1، ارشاك گەگامياندى (ارمەنيا) 4:0، ماكسيم اۆەريندى (بەيتاراپ سپورتشى) 9:1 ەسەبىمەن جەڭدى.
يۋسۋف ماتسيەۆ بۇعان دەيىن 2022 جىلى بولگاريا تورىندە 20 جاسقا دەيىنگى جاستار اراسىندا وتكەن الەم چەمپيوناتىندا دا كۇمىس مەدالدى مويىنىنا تاققان.
