Olımpııalyq oıyndardyń alaýy jaǵyldy

Ejelgi Olımpııada (Grekııa) 2026 jyly Mılan men Kortına-d’Ampeoda ótetin qysqy Olımpııalyq oıyndardyń alaýy saltanatty túrde jaǵyldy, dep habarlady Ulttyq Olımpııalyq komıtet.

Aýa raıynyń qolaısyzdyǵyna baılanysty rásim dástúr boıynsha Gera hramynda emes, Arheologııalyq murajaıdyń ishki zalynda boldy. Bas dinı qyzmetkerdiń rólin bıyl da aktrısa Merı Mına atqardy.

Saltanatty is-sharaǵa Grekııa prezıdenti Konstantınos Tasýlas, Halyqaralyq Olımpııalyq komıtettiń basshysy Kırstı Koventrı, 2026 jylǵy Olımpıada jáne Paralımpıada oıyndary uıymdastyrý komıtetiniń basshysy Djovannı Malago jáne ózge de qonaqtar qatysty.

-Bul rásim — Olımpııalyq oıyndardyń beıbit báseke, dostyq jáne ózara qurmet rýhynda adamdardy biriktirýge qurylǵan basty ıdeıasyn eske salady.

2026 jyly Mılan-Kortınada ótetin XXV Qysqy Olımpıada oıyndarynyń alaýyn jaǵý arqyly, biz bul jaryqty ótkennen búginge ári bolashaqqa jalǵaımyz. Bul biz barlyǵymyz kórgimiz keletin ortaq bolashaq.

Jaqynda alaý Italııaǵa jol tartady. Bul elde qushtarlyq sezimi adamdardyń júreginen tereń oryn alǵan. Mılannyń serpindi atmosferasynan bastap, alyp Dolomıt jáne Italııa Alpisine deıin jetetin bul qushtarlyq sezimi sportshylar men jankúıerlerdi shabyttandyratyn bolady. Ol Italııanyń barsha álemmen bólisetin árbir sátinde kórinis taýyp, Olımpıadanyń júrek soǵysyna aınalady, — dedi Kırstı Koventrı.

Alaýdy eń alǵash kótergen — 2024 jylǵy Olımpıada júldegeri Petros Gaıdaıs. Grekııa aýmaǵyndaǵy qysqa estafetadan keıin alaý Rımge jetkiziledi.

Italııadaǵy estafeta eldiń barlyq 110 provınııasyn aralap ótedi jáne 6 aqpanǵa deıin jalǵasady. Mılandaǵy «San-Sıro» stadıony estafetanyń sońǵy núktesi bolady. Onda 2026 jylǵy Olımpıada oıyndarynyń ashylý saltanaty ótedi.