كيكبوكسينگتەن ءاچ: قازاقستان قۇراماسىندا 3 التىن، 10 كۇمىس جانە 7 قولا مەدال

بۇگىن ءباا-ءنىڭ ءابۋ-دابي قالاسىندا كيكبوكسينگتەن ەرەسەكتەر اراسىنداعى الەم چەمپيوناتى اياقتالدى، دەپ حابارلادى تۋريزم جانە سپورت مينيسترلىگى سپورتتى دامىتۋ ديرەكتسياسىنىڭ ءباسپاسوز قىزمەتى.

بيىلعى باسەكەگە ۇلتتىق قۇراما ساپىندا 49 سپورتشى قاتىسىپ، كوماندا 3 التىن، 10 كۇمىس جانە 7 قولا مەدال يەلەندى. وسىلايشا قازاقستان جالپىكوماندالىق ەسەپتە 12-ورىن الدى. بارلىعى جۇلدە العان مەملەكەتتەر سانى 49.

نازارىڭىزعا الەم چەمپيوناتىندا جۇلدە العان سپورتشىلار ءتىزىمىن ۇسىنامىز:

فۋلل-كونتاكت ءبولىمى:

التىن – نۇراسىل تىلەكتەسوۆ (51 كگ)

التىن – دىنمۇحاممەد بايمۇراتوۆ (54 كگ)

التىن – باتىرحان قۋاندىقوۆ (67 كگ)

كۇمىس – ماقسات ءۇسىپ (71 كگ)

كۇمىس – مارعۇلان ايدار ۇلى (75 كگ)

كۇمىس – مۇسا مەرزيەۆ (63،5 كگ)

كۇمىس – فازليددين سافاروۆ (+91 كگ)

قولا – لاۋرا نىشانباي (56 كگ)

قولا – تيمۋر گانزا (81 كگ)

ك-1 ءبولىمى:

كۇمىس – جاندوس نازاربەكوۆ (60 كگ)

قولا – ءالي ءابۋتالى (67 كگ)

لوۋ-كيك ءبولىمى:

كۇمىس – ءاليحان وزدوەۆ (67 كگ)

كۇمىس – دۋلات دۇيسەنوۆ (60 كگ)

كۇمىس – دياس كارمانوۆ (57 كگ)

كۇمىس – شارا حامزينا (65 كگ)

قولا – نۇرمان ءابىلتاي (51 كگ)

قولا – سارۆار سۋلايمانوۆ (54 كگ)

قولا – يلمايل ليۋشانلو (63،5كگ)

قولا – بەكنۇر داۋىلباەۆ (+91 كگ)

لايت-كونتاكت

كۇمىس – ءنۇرسات عالىمبەك ۇلى (+94 كگ)

كيكبوكسينگ ەلىمىزدە بۇقارالىق سيپات العان قويان-قولتىق سپورت ءتۇرىنىڭ ءبىرى. بۇگىندە مەملەكەت تاراپىنان بارلىق جاعداي جاسالىپ كەلەدى ءارى بيىل قر تۋريزم جانە سپورت مينيسترلىگى بەكىتكەن جوعارى جەتىستىكتەر سپورتى تۇرلەرىنىڭ تىزىمىنە كىردى.

ءابۋ-دابيدەگى چەمپيونات 21 قاراشادا باستالىپ، 85 ەلدەن 1964 سپورتشىنىڭ باسىن قوستى.