Shahmattan ACh: Qazaqstan komandasy bes altyn júldemen kele jatyr

Taılandtyń astanasy Bangkok qalasynda  shahmattan XXVII jasóspirimder arasyndaǵy Azııa chempıonaty aıaqtaldy, dep habarlady Qazaqstan shahmat federaııasy.

Jasóspirim shahmatshylar baǵdarlamanyń úsh túri – klassıka, rapıd jáne blı boıynsha 11 medal jeńip aldy. Onyń beseýi – altyn júlde.

Mılana Fılıppova (G10) men Marııa Holıavko (G14) – klassıkada, Ámirjan Ánetov (O10) – rapıdte, Álisher Ábdisattar (O14) men Ásııa Asylhan (G16) – blıte Azııa chempıony atandy.

Azııa dodasy 21–29 qarasha aralyǵynda boldy. Oǵan 33 elden jáne sol tóńirekten shamamen 700 adam qatysty (27th Asian Youth Chess Championships 2025).

Alǵashqy kúni 15+5 ýaqyt baqylaýymen 7 týrlyq «shveıar» júıesinde ótken rapıdte júldeler sarapqa salyndy (O10 sanatynda Azııa chempıony Ámirjan Ánetov atandy. Qola medal onyń qurdasy Alıhan Nazarbekke buıyrdy). Osydan keıin jas shahmatshylar baǵdarlamanyń ekinshi bóligi – 90+30 ýaqyt baqylaýymen ótetin 9 týrlyq klassıkaǵa kóshti. Munda qazaq jastary 5 medal jeńip aldy.

Mılana Fılıppova (G10) men Marııa Holıavko (G14) Azııa chempıony atansa, Rızat Ulan (O10), Ádııa Jeńis (G12) pen Iasmına Alemanova (G16) qola júldeni qanaǵat tutty.

Klassıkanyń sońǵy týry aıaqtala salysymen, baǵdarlamanyń úshinshi túri – 3+2 ýaqyt baqylaýymen ótetin blıtiń 9 týry bastaldy.

Bireýler úshin bul jan-jaqty oınaı alatynyn dáleldeý múmkindigi bolsa, endi bireýler úshin aldyńǵy kezeńderdegi sátsizdikterdi túzetýge arnalǵan sońǵy múmkindik boldy.

Qazaqstan komandasy osy múmkindikti tolyq paıdalandy. Astanalyq Álisher Ábdisattar (O14) pen Túrkistan oblysynan jarysqa qatysqan Ásııa Asylhan (G16) qurmet tuǵyrynyń eń bıik satysyna kóterilse, kúmis medaldy pavlodarlyq Asman Baıantas (O18) ıelendi. Al qola medal astanalyq Álimjan Jaýynbaıǵa (O12) buıyrdy.

Buǵan deıin memleket basshysy Qasym-Jomart Toqaev álem chempıonattarynda top jarǵan bir top jas shahmatshymen kezdesken bolatyn.

Kezdesýge 8 jasqa deıingi sanatta álem chempıondary atanǵan Ádınur Ádilbek pen Alısha Bısalıeva, 12 jasqa deıingi sanatta álem chempıony bolǵan Danıs Qýandyquly, 14 jasqa deıingi sanatta álem chempıonatynda jeńis tuǵyrynan kóringen Mark Smırnov, 16 jasqa deıingi sanat boıynsha álem chempıonatynda altynnan alqa taqqan Edgar Mamedov, 16 jasqa deıingi shahmatshylar arasynda álem chempıonatynyń kúmis júldesin ıelengen Saýat Nurǵalıev qatysty.

Memleket basshysynyń aıtýynsha, jas sportshylardyń jetistikteri halyqaralyq arenada Qazaqstannyń mereıin ústem etedi ári elimizde shahmattyń keleshegi zor ekenin kórsetedi. Prezıdent chempıondardyń bıik maqsattarǵa umtylýy qajettigin jetkizip, olarǵa jarqyn jeńister tiledi.

– Shahmat degen úlken óner. Sondyqtan shahmatpen kúndelikti, muqııat, arnaıy kitaptardy oqı otyryp aınalysý qajet. Búgin Halyqaralyq shahmat federaııasynyń prezıdenti Arkadıı Dvorkovıchpen kezdesip otyrsyzdar. Bul – cizderdiń baqytty sátterińizdiń biri, – dedi memleket basshysy.

Kezdesý sońynda Qasym-Jomart Toqaev shahmat taqtasyna estelik jazba qaldyrdy.