UFC: اسۋ الماباەۆ توپ-5 كىرۋى مۇمكىن

MMACrossfire.com سايتى UFC-ءدىڭ ەڭ جەڭىل سالماقتاعى وكىلى اسۋ الماباەۆ كەلەسى جەكپە-جەگىندە جەڭىسكە جەتسە، ديۆيزيون رەيتينگىنىڭ ۇزدىك بەستىگىنە كىرۋى مۇمكىن ەكەنىن حابارلادى.

اسۋ الماباەۆ 2026 جىلعى 28 اقپاندا مەكسيكانىڭ استاناسى مەحيكو قالاسىندا UFC-ءدىڭ بۇرىنعى چەمپيونى برەندون مورەنومەن جەكپە-جەككە شىعادى.

ول استانا ۋاقىتى بويىنشا 1 ناۋرىزدا تاڭەرتەڭ بولادى.

قولدا بار دەرەككە قاراعاندا، الماباەۆ قازىر UFC-ءدىڭ ەڭ جەڭىل سالماق دارەجەسىندەگى رەيتينگىندە جەتىنشى ورىندا تۇر. ول سوڭعى ءۇش جەكپە-جەگىنىڭ ەكەۋىندە جەڭىسكە جەتكەن. ونىڭ بىرەۋىندە قاراشا ايىندا كاتاردا وتكەن UFC تۋرنيرىندە الەكس پەرەستى قىلقىندىرۋ ادىسىمەن جەڭگەن.

سول سەبەپتى 31 جاستاعى فايتەر كەلەسى جەكپە-جەكتە جەڭىسكە جەتسە ۇزدىك بەستىككە ەنۋگە ۇمىتتەنىپ وتىر.

داستان كەنجالين،

استانا