Saıypqyran. Márede – Maǵjan!

Búgin «Saıypqyran» aıdaryn odan ári jalǵastyramyz. Búgingi maqalanyń keıipkeri halyqaralyq jarystarda qysqy sport túrlerinen  el namysyn qorǵap, talaı syndardan súrinbeı kele jatqan jas sportshy -Maǵjan Amankeldiuly.

Maǵjan jas bolsa da bas bola biletinin kóptegen jarystarda kórsetip, dáleldep keledi. Ol bıylǵa deıin elishilik týrnırler men halyqaralyq dúrmekti dodalarǵa qatysyp, qurmet tuǵyrynyń eń bıik satysyna shyǵyp otyr. Sportshy qalalyq kýbok úshin jarystan bastap álem chempıonaty, álem kýbogy úshin ótip jatqan dúbirli dodalarda el namysyn qorǵap, márege birinshi kelýdi ádetke aınaldyrǵan. Sol úshin maqalanyń taqyrybyn da «Márede – Maǵjan» dep qoıyp otyrmyz.

Ol 2003 jyldyń 26 qyrkúıeginde Almaty oblysy, Talǵar aýdany, Besqaınar aýylynda týǵan. Osy eldi mekendegi №20 orta mektepte bilim alǵan. Onyń aıtýynsha, 2014 jyly mektepke qos saıys (shańǵy jarysy men tramplınnen sekirý) boıynsha jattyqtyrýshylar — Vladımır Anatolevıch Klepıkov pen Aleksandr Petrovıch Kýcherenko kelip, sport sekııasyn ashty.

-Sol kezden bastap men dostarymmen birge sport úıirmesine óz erkimmen jazylyp, alǵashqy jattyǵýlarǵa qatysa bastadym. Biz alysqa júgirip, shańǵymen tuǵyrdan sekirýdiń bastapqy jattyǵýlaryn úırendik. Jattyqtyrýshylardyń tapsyrmalaryn jyldam oryndap, ásirese júgirýde jaqsy nátıje kórsete bastadym. Bir aı ótkennen keıin bapkerler meni aýdandyq kross jarysyna alyp bardy. Olardyń tańdanysyna oraı, men óz ómirimdegi alǵashqy jarysta jeńiske jettim. Osy sátten bastap jarystarǵa júıeli túrde qatysa bastadym. Kóbine úıge medalsiz qaıtpaıtyn boldym. 2015 jyldyń jazynda jattyqtyrýshylar maǵan qalalyq sport mektebi — Sportta daryndy balalarǵa arnalǵan mamandandyrylǵan sport mektep-ınternatyna (SShIOSD) túsýge keńes berdi. Ata-anam alǵashynda qarsy boldy. Biraq bapkerlerdiń uzaq áńgimesinen keıin kelisim berdi, — dedi ol.

Sodan keıin jas talap 7-synyptan bastap sport mektebine aýysty. 2015 jyldyń qys mezgilinde jasóspirimder arasynda shańǵynyń qos saıysy boıynsha Qazaqstan chempıony atandy. 2016 jyldyń jaz kezinde bapkerler ony Sankt-Peterbýrg qalasynda ótken Reseıdiń jasóspirimder arasyndaǵy jarysyna alyp bardy. Onda qazaq balasy jaqsy nátıje kórsetip, qola medal jeńip aldy.

Osy jarystan keıin Maǵjan Amankeldiuly birden Olımpıadalyq daıarlyq ortalyǵynyń jasóspirimder quramyna qabyldandy. Shańǵynyń qos saıysy, shańǵymen júgirý jarysy jáne tuǵyrdan sekirý boıynsha barlyq jarystarda jas sanatynda turaqty túrde júlde alyp júrdi.

2017 jyly ol Respýblıkalyq sport mektebine aýystyryldy. 2019 jyldyń sońynda eresekter arasyndaǵy Qazaqstan chempıonatynda shańǵynyń qos saıysynan úshinshi oryn alyp, 2020 jyly Qazaqstannyń ulttyq qurama komandasyna qabyldandy. Sol jyly Qazaq sport jáne týrızm akademııasyna (QazAST) oqýǵa tústi.

2020–2021 jylǵy alǵashqy eresekter maýsymynda Chıngız Rakparovpen birge qurlyqtyq kýbokta Eýropanyń úzdik otyzdyǵynyń qataryna endi. Osy nátıjelerdiń arqasynda Rakparov ekeýi Qazaqstan tarıhynda alǵash ret shańǵynyń qos saıysy boıynsha álem kýbogyna qatysýǵa lıenzııa aldy. Sol maýsymda Maǵjan erler arasyndaǵy Germanııada ótken álem chempıonatyna da joldamany jeńip aldy. Osylaısha, talantty jigit Qazaqstan quramasynyń jetekshi sportshylarynyń birine aınalyp, el tarıhynda halyqaralyq jarystarda upaı jınaǵan eń jas sportshy boldy. Sondaı-aq álem kýbogy men álem chempıonatyna qatysqan elimizdiń eń jas sportshysy atandy.

2021–2022 jylǵy maýsymynda Olımpıadaǵa lıenzııalyq maýsym bastaldy. Osy kezde ol Chıngız Rakparovpen birge Avstrııadaǵy jazǵy Gran-prıge, Estonııadaǵy álem kýbogyna qatysyp, Qytaıda birneshe ret TOP-30 qataryna enip, baǵaly upaılar jınady.

-Men Qazaqstan kýbogynda kúmis júldeger atandym. Fınlıandııadaǵy qurlyqtyq kýbokta komanda lıderi Chıngız Rakparovty artta qaldyryp, Qazaqstan quramasynyń №1 sportshysy boldym. Jastar arasyndaǵy álem chempıonatynda medal alýǵa basty úmitker atandym. О́kinishke qaraı, maýsym sońynda Beıjiń Olımpıadasyna lıenzııa alý úshin maǵan nebári úsh upaı jetpeı qaldy. Osylaısha, 2021–2022 jyldardaǵy jarys maýsymy aıaqtaldy. Maýsymnan keıin sport mınıstri Dáýren Abaev elimizde «shańǵynyń qos saıysy» sport túriniń jabylatynyn aıtyp, bul sporttyń damýy toqtap turǵanyn habarlady. Kóptegen hattar men Prezıdentke jazylǵan ótinishterge qaramastan sheshim ózgerissiz qaldy. Osy jaǵdaıdan keıin men sporttyq kareramdy aıaqtaýdy sheshtim. Biraq ata-anam meni shańǵymen tuǵyrdan sekirýmen aınalysýǵa kóndirdi. Solaı etip, men jańa sport túrinde kareramdy jalǵastyrýǵa bel býdym, — dedi ol odan ári.

Onyń aıtýynsha, elimizdiń tramplınnen sekirý quramasyna kirý úshin Qazaqstan kýbogynda úzdik úshtikke ený kerek boldy. 2022 jyldyń jazynda Maǵjan Qazaqstan kýbogynyń ıegeri atandy. Fınlıandııadaǵy jasóspirimder arasynda ótken álem chempıonatynyń qola júldegeri Sergeı Tkachenkony artta qaldyrdy. Sodan keıin jasóspirimder arasynda Qazaqstan chempıony ataǵyn jeńip aldy.  Osylaısha, jas jigit jańa sport túrinen Qazaqstan quramasyna qosyldy.

-2022–2023 jyldary AQSh-ta ótetin Dúnıejúzilik qysqy Ýnıversıada men Kanadada jalaýy kóteriletin jastar arasyndaǵy álem chempıonatynda medal alatyn basty úmitkerlerdiń biri boldym. Meni elimizdiń atynan Ýnıversıadanyń ashylý saltanatynda tý ustap shyǵatyn sportshy retinde tańdady.  Bul men úshin úlken qurmet boldy. Alaıda tize jaraqatyna baılanysty óz deńgeıimde óner kórsete almadym. Maýsym basynda sporttyq babymdy joǵaltyp aldym. Sonyń kesirinen komanda bolyp 7-orynǵa ıe boldy. Keıinnen Slovenııada bolatyn álem chempıonatyna irikteýden óttim. Biraq tize jaraqaty maýsymdy erte aıaqtaýyma sebep boldy, — dedi sportshy.

Biraq ol jaraqaty jazylǵan soń, jarys alańyna qaıtyp kelip, taǵy da jaqsy nátıje kórsete bastady. Ol byltyr Qazaq sport jáne týrızm akademııasyn bitirip, Estonııada tramplınnen shańǵymen sekirý boıynsha alǵashqy halyqaralyq upaılarym jınady.

2024–2025 jylǵy maýsymynda Qazaqstan namysyn on elde ótken Halyqaralyq shańǵy jarysy federaııasynyń dodalary men qurlyqtyq kýbokta qorǵady.

Marapattar:

2016

1st place. Shańǵynyń qos saıysy boıynsha jastar arasyndaǵy Qazaqstan chempıonaty (k-20, sprınt)

3rd place. Shańǵynyń qos saıysy boıynsha Búkilreseılik «Kavgolov oıyndary» jarystary

2017

3rd place. Shańǵynyń qos saıysy boıynsha 2002-2003 jyldary týǵan jastar arasyndaǵy Qazaqstan chempıonaty

3rd place. Shańǵynyń qos saıysy boıynsha 2002-2003 jyldary týǵan jastar arasyndaǵy 2 shaqyrym qashyqtyq arnalǵan Almaty qalasynyń chempıonaty

2018

1st Place. Shańǵynyń qos saıysy boıynsha Almaty qalasynyń chempıonaty (k-60, 5km)

2nd place. Shańǵy jarysynan jasóspirimder arasyndaǵy Almaty qalasynyń chempıonaty

2nd place. Shańǵy jarysynan Táýelsizdik kúniniń qurmetine arnalǵan Almaty oblysynyń kýbogy

2rd place. Shańǵy jarysynan jasóspirimder arasyndaǵy Almaty qalasynyń chempıonaty

2019

1st place. Shańǵynyń qos saıysy boıynsha jastar arasyndaǵy RE chempıonaty

1st place. Shańǵynyń qos saıysy boıynsha ardagerlerdi eske túsirýge arnalǵan jarystar

1st place. Shańǵymen tuǵyrdan sekirýden Almaty qalasynyń chempıonaty

1st place. Shańǵynyń qos saıysy boıynsha 2002-2003 jyldary týǵan jastar arasyndaǵy Qazaqstan chempıonaty

2020

2nd place. Shańǵy jarysynan Uly Otan soǵysyndaǵy Jeńistiń 75 jyldyǵyna arnalǵan «Densaýlyq joly» atty shańǵy festıvali

1st place. Shańǵynyń qos saıysy boıynsha jastar arasyndaǵy Qazaqstan chempıonaty (k-65, 5 km)

1st place. Shańǵynyń qos saıysy boıynsha jastar arasyndaǵy Qazaqstan chempıonaty (k-65, 10 km)

2021

TOP — 30 Qurlyqtyq kýbok (Reseı, Nıjnıı Tagıl), álem chempıonatyna qatysýshy (Germanııa, Oberstdorf)

1st place. Shańǵy jarysynan Almaty qalasynyń ashyq chempıonaty. 2003 — 2004 jyldary týǵan jasóspirimder arasyndaǵy jeke jarys

3rd place. Shańǵy jarysynan Almaty qalasynyń ashyq chempıonaty. Erler arasyndaǵy komandalyq jarys

1st place. Shańǵynyń qos saıysy boıynsha jastar arasyndaǵy Qazaqstan chempıonaty

2nd place. Shańǵynyń qos saıysy boıynsha Qazaqstan Respýblıkasynyń jazǵy kýbogy

2nd place. Erler arasynda shańǵynyń qos saıysy boıynsha Qazaqstan Respýblıkasynyń jazǵy kýbogy

2nd place. Erler arasynda shańǵynyń qos saıysy boıynsha Qazaqstan Respýblıkasynyń jazǵy kýbogy

2022

TOP — 30 Qurlyqtyq kýbok (Qytaı, Beıjiń), álem kýbogyna qatysýshy (Estonııa, Oteppa)

1st place. Shańǵymen tuǵyrdan sekirýden Qazaqstan kýbogy

2nd place. Shańǵymen tuǵyrdan sekirýden Qazaqstan kýbogy

2nd place. Shańǵymen tuǵyrdan sekirýden Qazaqstan kýbogy

3rd place. Shańǵymen tuǵyrdan sekirýden Almaty qalasynyń chempıonaty

1st place. Shańǵymen tuǵyrdan sekirýden A.A.Stepanovtyń memorıaly

1st place. Jastar arasynda shańǵymen tuǵyrdan sekirýden Qazaqstan chempıonaty

2023

7th place. Dúnıejúzilik qysqy Ýnıversıada, álem kýbogyna qatysýshy (Norvegııa, Lıllehammer), álem chempıonatyna qatysýshy (Slovenııa, Planıa)

3rd place. Sport ardagerlerin eske túsirýge arnalǵan jarys. Shańǵymen tuǵyrdan sekirý

2024

TOP – 25 Halyqaralyq shańǵy jarysy federaııasynyń kýbogy (Estonııa, Oteppa)

2nd place. Erler arasynda shańǵymen tuǵyrdan sekirýden Almaty qalasynyń kýbogy

2025

TOP — 40. Qurlyqtyq kýbok (AQSh, Aıron Maýnteın)

 

Rústem JUMAN,

ASTANA