Álı Alpysbaevtyń 70 jas mereıtoıyna arnalǵan mýzykalyq kesh

Qazaqkonert tanymal kompozıtor, dırıjer, «Qurmet», «Parasat» ordenderiniń ıegeri, Qazaqstannyń eńbek sińirgen qaıratkeri Álı Demegenuly Alpysbaevtyń 70 jas mereıtoıyna arnalǵan mýzykalyq kesh ótkizedi, dep habarlady «Jetisý oblysynyń Dánesh Raqyshev atyndaǵy fılarmonııasy» MKQK.

Konerttik baǵdarlamada kompozıtordyń «Alash eli», «Tósbulaq» kúı-poemalary, «Áke», «Aqqýym bolyp oraldyń ba?», «Juldyz — ǵumyr», «Aman bolshy, jan ana», «Baqyt valsi», «Mahabbat valsi», «Qazaq eli» ánderi men basqa da týyndylary oryndalady.

Is-sharaǵa «Kúreńbel» trıosy, halyqaralyq baıqaýlardyń laýreaty Medet Esbergenov, sondaı-aq, Jomart Takebaev, Maqsat Nurlanov, Talǵat Orazaev, Tolqyn Skakova, Saltanat Muratqyzy, Shahzod Sana, Gúlbaný Lahaeva,  Aqbota Sabyrjanova, Sáýle Alımbetova, Arýjan Jalǵasova men Dánesh Raqyshev atyndaǵy Jetisý oblystyq fılarmonııasynyń estradalyq-sımfonııalyq orkestri qatysady, — delingen habarlamada.

Álı Alpysbaev 50-den astam án jáne jeke mýzykalyq aspaptarǵa arnalǵan týyndylar jazdy. Onyń shyǵarmashylyǵy ulttyq dástúr tereńdigimen jáne zamanaýı mýzykalyq áýenimen erekshelenedi. Ol Muqan Tólebaev atyndaǵy halyqaralyq «Altyn taıaqsha» dırıjerler baıqaýy men «Kesteli oramal» vokalshylar baıqaýynyń uıymdastyrýshysy. «Elge arnaý» poemasy boıynsha Mádenıet jáne aqparat mınıstrliginiń memlekettik grantynyń laýreaty jáne «Elim meniń» respýblıkalyq baıqaýynyń birneshe dúrkin jeńimpazy atandy.

2015 jyly «Táýelsizdik tolǵaýy» atty VI respýblıkalyq jańa óner týyndylary baıqaýyna qatysyp, «Orbulaq tańy» sımfonııalyq kúı poemasymen Gran-prı ıelendi. Kompozıtordyń shyǵarmashylyq qyzmeti halyqaralyq deńgeıde de jetistikterge jetti. Ol Reseı, Qytaı jáne Túrkııa sııaqty elderde gastroldik saparmen bolyp, halyqaralyq arenada óz ónerin pash etti. Sonymen qatar, Polshada ótken 8-shi Dúnıejúzilik óner festıvalinde joǵary kásibı deńgeıin kórsetip, elder arasyndaǵy mádenı baılanystardy nyǵaıtýǵa úles qosty.

О́tetin orny: Astana q., Máńgilik el, 10/1, QAZAQCONCERT

Kúni: 17 naýryz, 2026

Ýaqyty: 19:30

Baılanys telefony: +7 701 342 19 88