Cairns Cup 2026: Bıbisara Asaýbaeva alǵashqy jeńisine jetti

Bıbisara Asaýbaeva AQSh-tyń Sent-Lýıs qalasynda ótip jatqan Cairns Cup 2026 týrnırinde alǵashqy jeńisine jetip, kóshbasshylar qataryna qosyldy.  

4-týrda shahmatshy aq fıgýralarmen oınap, Shveıarııa atynan óner kórsetetin eks-álem chempıony Aleksandra Kostenıýkti 23 júriste jeńdi. Bul — Asaýbaevanyń týrnırdegi alǵashqy jeńisi.

Alǵashqy úsh týrda otandasymyz Ýkraınanyń ókili Anna Mýzychýkpen, úndi Rameshbabý Vaıshalımen jáne amerıkalyq Elıs Lımen teń túsken.

Tórt týrdan keıin Asaýbaeva 2,5 upaımen 4-orynda keledi. Týrnır kóshin 3,5 upaımen Qytaıdyń eks-álem chempıony Tan Chjýnı bastap tur.

Buǵan deıin Bıbisara Asaýbaevanyń AQSh-ta ótip jatqan týrnırde qatarynan úshinshi ret teń oınaǵanyn habarlaǵan edik.

Osy týrnırden keıin shahmatshy 15–27 qyrkúıek aralyǵynda О́zbekstannyń Samarqand qalasynda ótetin 46-Dúnıejúzilik shahmat olımpıadasyna qatysady.

Halyqaralyq shahmat federaııasy (FIDE) Olımpıadaǵa qatysatyn Qazaqstan áıelder quramasynyń tizimin jarııalady.

Olımpıadanyń ashylý saltanaty 15 qyrkúıekte bolady. Al 16–27 qyrkúıek aralyǵynda shahmatshylar klassıkalyq ýaqyt baqylaýymen shveıarııalyq júıe boıynsha 11 týr oınaıdy.

Bıbisara Asaýbaeva alataqtadaǵy jeńisteriniń arqasynda eldiń qurmetine de ıe bolyp keledi. Ol bıyl II dárejeli «Barys» ordenimen marapattaldy. Nagradany Memleket basshysynyń atynan premer-mınıstrdiń orynbasary – mádenıet jáne aqparat mınıstri Aıda Balaeva tabys etti.

Buǵan deıin, 2024 jyldyń qazan aıynda Respýblıka kúni qarsańynda shahmatshy III dárejeli «Barys» ordenimen marapattalǵan bolatyn.