Aýyr atletıka: Aıanat Jumaǵalı – Azııa chempıony!

Jasóspirimder arasynda aýyr atletıkadan О́zbekstannyń Tashkent qalasynda ótip jatqan Azııa chempıonatynda Qazaqstan quramasynyń qorjynyna taǵy altyn medal tústi.

Ol 77 kelige deıingi salmaq dárejesinde julqa kóterýde 104 kg, serpe kóterý 133 kg salmaq ziltemirdi basynan asyrdy. Sóıtip, qos saıys qorytyndysynda 237 kg nátıje kórsetip, úsh altyn júldeni jeńip aldy.

Sóıtip, Aıanat Jumaǵalı 20 jasqa deıingi jasóspirimder men qyzdar arasyndaǵy Azııa chempıon atandy.

Ekinshi oryndy О́zbekstan sportshysy Dılnýra Holdorova ıelendi. Ol qossaıysta 224 kg (101+123) nátıje kórsetse, úzdik úshtikten onyń otandasy Dılnoza Faızýllaeva kórindi. О́zbekstan atletiniń qossaıystaǵy nátıjesi —  223 kg (100+123).

Buǵan deıin jasóspirimder arasynda Snejana Kashkarova (57 kg deıin), Beıbarys Erseıit (65 kg deıin) pen Aqjol Qurmanbek (85 kg deıin) altyn medal jeńip aldy. Al uldar men qyzdar arasyndaǵy jasóspirimder sanatynda Ksenııa Prozorova (61 kg deıin) chempıon atandy.

Dastan KENJALIN,

ASTANA