SportPress.kz Qazaqstan sport jańalyqtary
Astanada ótip jatqan álem chempıonatynda áıelder kúresi bastalyp, grek-rım kúresinen sheshýshi beldesýler jalǵasyn tapty.
Qazaqstan atynan alǵash bolyp bozkilemge Beıbit Seıdýáli shyqty. Ol 65 kelige deıingi salmaqta alǵashqy aınalymda Gonkong ókili ýı Tın Saýmen beldesti.
Beıbit Seıdýáli qarsylasyn aıqyn basymdyqpen 10:0 esebimen jeńip, 8/1 fınalǵa joldama aldy. Bul aınalymda ol Chılı ókili Hımenes Fernandesten 3:2 esebimen aılasyn asyryp, shırek fınalǵa shyqty. Alaıda ol Mońǵolııa ókili Enhjın Túvshınjargalmen kúresip, qarsylasynan 1:3 esebimen ese jiberdi. Sóıtip, jartylaı fınalǵa shyǵa almady.
Odan keıin Zeınep Baıanova da áıelder kúresinen alǵash ret kúres alańyna shyqty. Ol 50 kelige deıingi salmaqta 8/1 fınalda О́zbekstan ókili Aktenge Keýnımjaevamen kúresip, qarsylasyn 7:1 esebimen jeńdi.
Osylaısha, Zeınep Baıanova álem chempıonatynyń shırek fınalyna joldama aldy. 4/1 fınalda ol mońǵolııalyq Otgonjargal Dolgorjavpen kúresip, 5:4 esebimen jeńiske jetti. Al erlerden grek-rım kúresinen Qazaqstan quramasynyń balýany Baǵdat Sabaz fınaldyq kezeńge joldama aldy.
Otandasymyz 67 kelige deıingi salmaq dárejesinde jubanysh beldesýinde Qytaı ókili zın Sınsınnen basym tústi.
Osylaısha, Baǵdat Sabaz álem chempıonatynyń qola medali úshin beldesýge múmkindik aldy.
Fınaldyq kezeń búgin saǵat 18:00-de bastalady.
Nılýfar Raımova shırek fınalǵa shyqty. Ol 57 kelige deıingi salmaqta 8/1 fınalda Reseı ókili Anastasııa Iandýщkınadan 7:5 esebimen basym tústi. Sodan keıin otandasymyz Ýkraına sportshysy Aleksandra Homeneti 12:6 esebimen jeńdi.
Áıelder kúresinen Qazaqstan quramasynyń ókili Gúlmaral Erkebaeva 8/1 fınalda 76 kelige deıingi salmaqta Franııa sportshysy Kendra Dashermen jolyqty. Bul synda Gúlmaral Erkebaeva qarsylasyn 7:0 esebimen jeńip, shırek fınalǵa joldama alǵan edi. Biraq 4/1 fınalda jarysyn aıaqtady. Ol Kadrıe Kojak Aksoımen (Túrkııa) beldesip, 8:12 esebimen jeńilip qaldy.
Dastan KENJALIN,
ASTANA
