زەينەپ بايانوۆا الەم چەمپيوناتىنىڭ قولا جۇلدەگەرى اتاندى

استانا قالاسىندا كۇرەس تۇرلەرىنەن ءوتىپ جاتقان الەم چەمپيوناتىندا قازاقستان قورجىنىنا قولا جۇلدە ءتۇستى.

قازاقستان كومانداسىنىڭ سپورتشىسى، جازعى ازيا ويىندارى مەن يسلام ىنتىماقتاستىعى ويىندارىنىڭ قولا جۇلدەگەرى زەينەپ بايانوۆا كىشى فينالدا ەۋروپا چەمپيوناتىنىڭ قولا جۇلدەگەرى، بەلارۋس وكىلى ناتاليا ۆاراكينامەن كۇش سىناستى. بۇل سىندا وتانداسىمىز قارسىلاسىن ايقىن باسىمدىقپەن جەڭىپ، 50 كگ دەيىنگى سالماقتا قولا جۇلدەگە يە بولدى.

كەشە بايانوۆا جارىستى 8/1 اينالىمنان باستاپ، پاريج وليمپياداسىنا قاتىسقان وزبەكستان وكىلى اقتەڭگە كەۋنيمجاەۆانى، ودان كەيىن شيرەك فينالدا موڭعوليا سپورتشىسى وتگونجارگال دولگورجاۆتى جەڭگەن ەدى. ال جارتىلاي فينالدا ءۇندى قارسىلاسى نيلامعا جول بەردى.

بۇل — ايەلدەر كۇرەسىنەن قازاقستان كومانداسىنىڭ قورجىنىنا تۇسكەن العاشقى جۇلدە.

داستان كەنجالين،

استانا