Zeınep Baıanova álem chempıonatynyń qola júldegeri atandy

Astana qalasynda kúres túrlerinen ótip jatqan álem chempıonatynda Qazaqstan qorjynyna qola júlde tústi.

Qazaqstan komandasynyń sportshysy, jazǵy Azııa oıyndary men Islam Yntymaqtastyǵy oıyndarynyń qola júldegeri Zeınep Baıanova kishi fınalda Eýropa chempıonatynyń qola júldegeri, Belarýs ókili Natalıa Varakınamen kúsh synasty. Bul synda otandasymyz qarsylasyn aıqyn basymdyqpen jeńip, 50 kg deıingi salmaqta qola júldege ıe boldy.

Keshe Baıanova jarysty 8/1 aınalymnan bastap, Parıj Olımpıadasyna qatysqan О́zbekstan ókili Aqteńge Keýnımjaevany, odan keıin shırek fınalda Mońǵolııa sportshysy Otgonjargal Dolgorjavty jeńgen edi. Al jartylaı fınalda úndi qarsylasy Nılamǵa jol berdi.

Bul — áıelder kúresinen Qazaqstan komandasynyń qorjynyna túsken alǵashqy júlde.

Dastan KENJALIN,

ASTANA