SportPress.kz Qazaqstan sport jańalyqtary
Nurqoja Qaıpanov kúresten Astanada ótken álem chempıonatynyń fınalynda beldesip, kúmis júldeger atanǵany belgili. Ol fınaldaǵy kúresi týraly óz oıyn aıtty.
«Beldesý men úshin óte qıyn boldy. Negizi kúreske tolyq daıyn boldym. Alaıda ózime shamadan tys jaýapkershilik alǵan sııaqtymyn. Ásirese komandalastarymnyń jeńilisinen keıin aýyrtpalyq túskendeı boldy. Endi qazaq halqyn qýantqym keldi. Biraq fınalda Reseı balýany basym tústi.
Bozkilemge shyqqan sátte qatty qıyn boldy. Jaýapkershiliktiń salmaǵy áser etti me, áıteýir aıaq-qolym istemeı qaldy. Degenmen bul jeńilisten keıin toqtap qalmaımyz. Ári qaraı eńbek etemiz. Aldymyzda álem chempıonaty men Olımpıada oıyndary kútip tur», dedi ol.
Ol aldaǵy ýaqytta da osy salmaq dárejesinde kúrese beretinin aıtty.
«Tórt jarys qatarynan osy salmaqta kúrestim. Sondyqtan áli de ózimdi dáleldep, bıik belesterdi baǵyndyrýym kerek.
О́z elimizde, jankúıerlerimizdiń aldynda kúresý men úshin úlken baqyt. Osydan jeti jyl buryn ótken álem chempıonatynda da kúmis júldeger atanǵan edim. Bul joly da qazaq halqynyń erekshe qoldaýyn sezindim. Sol úshin barsha jankúıerge alǵys bildiremin», dedi Qaıpanov.
Bıylǵy álem chempıonatynda Qazaqstan quramasy bes medal jeńip aldy. Onyń ishinde bir kúmis jáne tórt qola júlde bar. Ulttyq qurama jalpykomandalyq esepte 15-orynǵa ıe boldy.
Dastan KENJALIN,
ASTANA
