ج. كەنجالين شىعارماشىلىعىنا ارنالعان بايقاۋ ەرەجەسى

2021 جىلدىڭ 30 ساۋىردە ءال-فارابي اتىنداعى قازۇۋ-دىڭ جۋرناليستيكا فاكۋلتەتى ج. كەنجالين اتىنداعى ءباسپاسوز جانە جاڭا مەديا وقۋ-شىعارماشىلىق زەرتحاناسىنىڭ ۇيىمداستىرۋىمەن جاس تىلشىلەر مەن تالاپكەرلەر اراسىندا جۋرناليست، قالامگەر جۇمابەك كەنجاليننىڭ ءومىرى مەن شىعارماشىلىعىنا ارنالعان ەڭ ۇزدىك جۇمىستار مەن جوبالارعا رەسپۋبليكالىق بايقاۋ جاريالانادى.

بايقاۋدى ۇيىمداستىرۋ ماقساتى جاس تىلشىلەر مەن تالاپكەرلەردىڭ ىزدەنىسىن ارتتىرۋعا، جۋرناليستيكا مەن مەديا باعىتىنداعى شىعارماشىلىق ويلارى مەن جاڭاشا يدەيالارىن جۇزەگە اسىرۋعا ىقپال ەتۋ.

بايقاۋدىڭ نوميناتسيالارى:

1. ەڭ ۇزدىك عىلىمي جوبا
2. ەڭ ۇزدىك پۋبليتسيستيكا
3. ەڭ ۇزدىك ەسسە
4. ەڭ ۇزدىك مۋلتيمەديالىق جوبا
5. ەڭ ۇزدىك مەدياجوبا

جالپى ەرەجەلەر

ورتا مەكتەپ وقۋشىلارى مەن تالاپكەرلەر اراسىندا ەڭ ۇزدىك شىعارماشىلىق جۇمىستار مەن مەدياجوبالارعا ارنالعان بايقاۋ 2021 جىلدىڭ 23 ءساۋىر – 1 ماۋسىم ارالىعىندا وتەدى.

ماتەريالداردىڭ قابىلدانۋى مەرزىمى – 2021 جىلدىڭ 15 ماۋسىمعا دەيىن jastilshi@gmail.com ەلەكتروندى پوچتاسىنا جولدانۋى ءتيىس.

بايقاۋ ناتيجەلەرى 2021 جىلدىڭ 23 ماۋسىمىندا شىعارىلادى.

ادىلقازىلار القاسى

ادىلقازىلار القاسى قۇرامىنا ءال-فارابي اتىنداعى قازۇۋ وقىتۋشى-پروفەسسورلارى، جۋرناليستەر، تەلەجۋرناليستيكا مەن ەلەكتروندى بۇقارالىق كوممۋنيكاتسيا سالالارىندا قىزمەت ەتەتىن بەلگىلى قوعام قايراتكەرلەرى قاتىسادى.

ەڭ ۇزدىك جۇمىستار ادىلقازىلار القاسى مۇشەلەرىنىڭ شەشىمىمەن ىرىكتەلەدى.

اقپارات: جۇمابەك كەنجالين تۋرالى شاعىن ءومىربايانى ەڭ نەگىزگى

جۇمابەك ومار ۇلى كەنجالين 1954 جىلى 30 جەلتوقساندا قوستاناي وبلىسىنىڭ امانگەلدى اۋدانىنداعى جدانوۆ اتىنداعى كولحوزدا تۋعان.

1971 جىلى ارقالىق اۋدانىنداعى قايىڭدى ورتا مەكتەبىن بىتىرگەن سوڭ، شارۋاشىلىقتا جۇمىس ىستەدى.

1973 جىلدان 1975 جىلعا دەيىن قارۋلى كۇشتەر قاتارىندا قىزمەت ەتتى.

1981 جىلى س.م.كيروۆ اتىنداعى قازاق مەملەكەتتىك ۋنيۆەرسيتەتىن ويداعىداي ءبىتىردى. ول بىرقاتار دۇنيەجۇزىلىك جانە بۇكىلوداقتىق جاستار مەن ستۋدەنتتەردىڭ فورۋمدارىنا قاتىستى. ۋنيۆەرسيتەتتى ۇزدىك وقىپ، لەنيندىك ستيپەنديات اتاندى. ستۋدەنت جاستاردىڭ جەتەكشىلەرىنىڭ ءبىرى بولدى. 1978 جىلى حالىق دەپۋتاتتارى الماتى قالالىق كەڭەسىنىڭ دەپۋتاتتىعىنا سايلاندى.

1981 جىلى «ەگەمەن قازاقستان» («سوتسياليستىك قازاقستان») گازەتىندە اۋەلى ءتىلشى، كەيىن ءبولىم مەڭگەرۋشىسى، 1986 – 1988 جىلدارى «زەردە» («ءبىلىم جانە ەڭبەك») جۋرنالىندا جاۋاپتى حاتشى، باس رەداكتوردىڭ مىندەتىن اتقارۋشى، 1994 جىلدان «حالىق كەڭەسى» گازەتىنىڭ باس رەداكتورى بولدى. 1996 جىلدان «اقيقات» جۋرنالىنىڭ باس رەداكتورى، 1997 – 1999 جىلدار ارالىعىندا «قازاق ادەبيەتى» گازەتىنىڭ باس رەداكتورى قىزمەتىن اتقاردى.

1999 جىلدىڭ ماۋسىم ايىنان 2006 جىلدىڭ تامىز ايىنا دەيىن «قازاق گازەتتەرى» جاق-نىڭ پرەزيدەنتى، باس ديرەكتورى، 2006 جىلدىڭ تامىز بەن جەلتوقسان ارالىعىندا «انا ءتىلى» ۇلتتىق اپتالىعىنىڭ، 2006 جىلدىڭ قاراشا مەن 2009 جىلدىڭ اقپان ايىنا دەيىن «اقيقات» ۇلتتىق قوعامدىق-ساياسي جۋرنالىنىڭ باس رەداكتورى قىزمەتتەرىندە بولدى. 2009 جىلدىڭ اقپان مەن 2017 جىلدىڭ شىلدە ايى ارالىعىندا «قازاق گازەتتەرى» جشس-ءنىڭ باس ديرەكتورى – رەداكتورلار كەڭەسىنىڭ توراعاسى بولىپ قىزمەت ەتتى. ول 2004 جىلى «بۇقارالىق اقپارات قۇرالدارىنىڭ قازاقستاندىق ءپاتريوتيزمدى قالىپتاستىرۋداعى ءرولى» دەگەن تاقىرىپتا ساياسي عىلىمدارىنىڭ كانديداتى اتاعىن الۋ ءۇشىن ديسسەرتاتسيا قورعادى.

ول «جەلكىلدەپ وسكەن قۇراقتاي» (1988 ج.)، «شىندىقتى شىراق ەتىپ ۇستاڭىز» (1998 ج.)، «ۇلت رۋحىن ۇلىقتاعان ۇرپاقپىز» (2005 ج.)، «ساياسي مەنەدجمەنت جانە ءباسپاسوزدىڭ جۇرتشىلىقپەن بايلانىس ماسەلەلەرى» (2010 ج.)، «ەر جاۋكە مىنبەگەنمەن التىن تاققا» (2011 ج.، 2012 جىلى قايتا تولىقتىرىلىپ باسىلىپ شىقتى)، «قالام قاناتى» (2014 ج.)، «ەلجاندىلىق مۇراتى جانە ءباسپاسوز بەدەلى» (2016 ج.) دەپ اتالاتىن كىتاپتاردىڭ اۆتورى.

2018 جىلى جۇمابەك ومار ۇلىنىڭ قۇرمەتىنە جانە ونى ەسكە الۋ ماقساتىندا «سەركە ءسوزدىڭ ساردارى» كىتابى شىقتى.

نەگىزگى تالاپتار:

جۇمابەك كەنجاليننىڭ ءومىرى مەن شىعارماگىلىعىنا ارنالعان بايقاۋعا ۇسىنىلاتىن ەڭ ۇزدىك بايقاۋدىڭ ماقساتى مەن مىندەتتەرىنە ساي بولۋى شارت.

ماراپاتتاۋ:

بايقاۋ جەڭىمپازدارى 1،2،3-دارەجەلى ديپلومدارمەن ماراپاتتالىپ، قاتىسۋشىلارعا سەرتيفيكات بەرىلەدى.

جۇمىستار مەن جوبالارعا قويىلاتىن تەحنيكالىق تالاپتار:

عىلىمي جۇمىستاردىڭ تالاپقا ساي ەلەكتروندى نۇسقادا ۇسىنىلۋى ءتيىس.

جۇمىستار مەن جوبالار تومەندەگىدەي تالاپتارعا ساي بولۋى ءتيىس:

1.عىلىمي جۇمىس (ماقالا) ءماتىنى 10-15 بەت كولەمىندە جانە تىركەۋ فورماسى MS Word ماتىندىك رەداكتورى بويىنشا جازىلعان بولۋى ءتيىس. كەستە، سحەمالاردىڭ، سۋرەتتەردىڭ ءوز اتاۋى بولۋى جانە Windows اياسىندا تەرىلۋى ءتيىس.

2.پاراقتىڭ پارامەترلەرى: جوعارعى جاعى-2 سم، تومەنگى جاعى -2سم، سول جاعى-3سم، وڭ جاعى 2 سم.

3.شريفت: Times New Roman، Kz Times New Roman، كەگل-14.

4. 1 — ارالىق ينتەرۆالمەن. جاڭا جول: 1،25 سم.

5.ءبىر ينتەرۆالدان كەيىن جاڭا جولدان عىلىمي جۇمىستىڭ ماتەريالدارى بەرىلەدى.

6.ادەبيەتتەر ءتىزىمى عىلىمي جۇمىستىڭ سوڭىندا جانە ءتىزىم تارتىبىنە سايكەس جازىلادى.

عىلىمي جۇمىستا ادەبيەتتەر ءتىزىمى تىكجاقشادا ادەبيەتتەر تىزىمىندەگى اۆتوردىڭ ەڭبەك نومىرىنە سايكەس قويىلادى. سىلتەمەنى قولدانعاندا دەرەككوزدى كورسەتۋ كەرەك.

ۇيىمداستىرۋ كوميتەتىنىڭ مەكەن-جايى:

قازاقستان رەسپۋبليكاسى، الماتى قالاسى، ءال-فارابي داڭعىلى، 71 ءال-فارابي اتىنداعى قازۇۋ، جۋرناليستيكا فاكۋلتەتى، № 222 كابينەت

ج. و. كەنجالين اتىنداعى ءباسپاسوز جانە جاڭا مەديا وقۋ-شىعارماشىلىق زەرتحاناسى جەتەكشىسى، فيلولوگيا عىلىمدارىنىڭ كانديداتى، دوتسەنت كلارا قابىلعازينا، موب.تەل.: +7 701 333 8607