كوڭىل كوڭىلدەن سۋ ىشەدى

 بۇگىن الماتى قالاسىنداعى قازاق سپورت جانە تۋريزم اكادەمياسىندا وسىمەن بەسىنشى جىل قاتارىنان  سپورت سالاسى بويىنشا وتكەن  ماراپاتتاۋ راسىمدە قولى اشىق، جانى جومارت مەتسەنات، كاسىپكەر رۇستەم مۇقاتوۆ «تاۋەلسىزدىككە قوسقان ۇلەسى ءۇشىن» مەدالىن الىپ، «ۇزدىك سپورت جاناشىرى» اتالىمىنىڭ جەڭىمپازى اتاندى.

اتىمتاي جومارت ازامات بىرنەشە جىلدان بەرى سپورتشىلارعا قولداۋ كورسەتىپ، ولاردىڭ جاتتىعۋلارىنا، جارىستارعا دايىندالۋىنا باسا نازار اۋدارىپ كەلەدى.  سونىمەن بىرگە ول جاتتىقتىرۋشىلار مەن ادىسكەرلەردىڭ ادال ەڭبەكتەرىن دە باعالاپ، سپورت ماماندارىنا قولدا بار مۇمكىندىكتىڭ ءبارىن  جاساپ كەلە جاتقان مەتسەنات. وعان مىسال رەتىندە جاقىندا رۇستەم ابدىكارىم ۇلىنىڭ گرەك-ريم كۇرەسىنەن قازاقستاننىڭ ەرەسەكتەر اراسىنداعى ۇلتتىق قۇراما كومانداسىنىڭ اعا جاتتىقتىرۋشىسى، «ەرەن ەڭبەگى ءۇشىن» مەدالىنىڭ يەگەرى سەرىك مۇرات ۇلى جۇماشەۆكە قازاق سپورتىنىڭ دامۋىنا قوسىپ جۇرگەن ەلەۋلى ۇلەسى ءۇشىن سۋ جاڭا «RANGE ROVER» اۆتوكولىگىن سىيلاعانىن ايتۋعا بولادى. رۇستەمنىڭ مۇنداي ازاماتتىعىن، جومارتتىعىن ايتا بەرسەك، كوپ.

ماراپاتتاۋ راسىمىندە سپورت جاناشىرى ءوزىن قۇتتىقتاعان ازاماتتارعا العىس ايتتى. ول مۇنداي باعالى سىيلىق ءۇشىن الدىمەن اللا تاعالاعا مىڭ دا ءبىر شۇكىرشىلىك ايتاتىنىن، ودان سوڭ بەلگىلى جۋرناليست، اقىن،  «سپورت جۇلدىزدارى» رەسپۋبليكالىق جۋرنالىنىڭ باس رەداكتورى مۇساعالي تاسقاليەۆ پەن ونىڭ ۇجىمىنا، كوميسسيانىڭ مۇشەلەرىنە جاساعان تاڭداۋلارىنا العىسىن جەتكىزدى.

-وسىنداي دارەجەگە جەتكەنىمە اللا تاعالاعا مىڭ دا ءبىر شۇكىر! بارشا وتانداستارىمىزدى ەلىمىزدىڭ تاۋەلسىزدىگىنىڭ 30 جىلدىق مەرەكەسىمەن قۇتتىقتاي وتىرىپ، مۇساعالي تاسقاليەۆ پەن ونىڭ ۇجىمىنا، كوميسسيا مۇشەلەرىنە  جۇلدەمەن ماراپاتتاعاندارىڭىز ءۇشىن راحمەت ايتامىن.

جاتتىقتىرۋشىلار مەن ادىسكەرلەر  جاستاردى بيىك شىڭدارعا شىعارىپ، جەتىستىكتەرگە جەتكىزسە،  سپورتشىلارىمىز وليمپيادالاردا قۇرمەت تۇعىرىنىڭ ەڭ بيىك ساتىسىنان كورىنسە دەپ تىلەيمىن! حالىقارالىق جارىستاردا ءانۇرانىمىز شىرقالىپ، كوك بايراعىمىز  جەلبىرەسە، ءبارىمىزدىڭ مەرەيىمىز وسەدى. ءبارى ءوز  قولىمىزدا. ءبىزدىڭ جاستار قازاق ەلىنىڭ بولاشاعى!، – دەدى ول.

ال ءبىزدىڭ رۇستەم ابدىكارىم ۇلىنا ايتارىمىز، سەنىڭ سپورتشىلارعا كومەك قولىڭدى سوزىپ جۇرگەن قولداۋىڭا سان جەتپەيدى. سەندەي قولى اشىق، اتىمتاي جومارت ازاماتتار كوپ بولسا، قازاق سپورتىنىڭ الار اسۋى ودان دا بيىك بولار ەدى.

وسى كۇنى سپورتقا قولداۋ كورسەتىپ، اۋىلداردا سپورت كەشەندەرىن سالىپ، جارىستار وتكىزىپ، اۋىل سپورتشىلارىنا قارجىلاي دەمەۋشىلىك تانىتىپ جۇرگەن  باسقا دا ءبىر توپ ازامات «ۇزدىك سپورت جاناشىرى» نوميناتسياسىنىڭ جەڭىمپازى اتاندى. ولار: ايتباي كوشەرباي ۇلى (قىزىلوردا وبلىسى، قازالى اۋدانى)، ايدوس اقجانوۆ (ماڭعىستاۋ وبلىسى)، بايمۇحامەد قوزىباەۆ، باۋىرجان كوپەەۆ، سامات جۇمبەكوۆ (ۇشەۋى دە قىزىلوردا وبلىسى، شيەلى اۋدانى)، تالعات يسقاقوۆ، بولاتبەك بالعاباەۆ، باقىت بەردىللاەۆ، گۇلجاينا رىسباەۆا، مەيىربەك ۇسەنوۆ (بەسەۋى دە قىزىلوردا وبلىسى، جاڭاقورعان اۋدانى) جانە سەيلحان ابدىقادىروۆ (ماڭعىستاۋ وبلىسى).

ماراپاتتارىڭ قۇتتى بولسىن، اعايىن! قازاقتا «بولار ەلدىڭ بالاسى ءبىر-ءبىرىن باتىر» دەيدى دەگەن ءسوز بار. ەندەشە، وسىلاي ءبىر-بىرىمىزگە قولداۋ كورسەتىپ جۇرسەك، قازاق ەلىنىڭ الاتىن قامالى قالمايدى.

داستان كەنجالين،

سەيداحمەت بەردىقۇلوۆ اتىنداعى سىيلىقتىڭ لاۋرەاتى