SportPress.kz Qazaqstan sport jańalyqtary
Astana Pro Team veloshabandozy Iakob Fýlsang «Almaty týry — 2017» ekinshi kezeńiniń jeńimpazy, al onyń áriptesi Alekseı Lýenko – velododanyń tórt dúrkin chempıony atandy.
Ekinshi kezeńde danııalyq Iakob Fýlsang jarys jolyn 3 saǵat 58 mınýt 01 sekýndta júrip ótip, márege birinshi bolyp jetti. Ekinshi bolyp qazaqstandyq Alekseı Lýenko 12 sekýndqa keshigip keldi. Al úshtikti shveıarııalyq shabandoz Krıs Stýssı túıindedi.
Osylaısha, kásipqoı halyqaralyq velojarystyń qorytyndysy boıynsha Alekseı Lýenko «Almaty týry – 2017» dodasynyń jeńimpazy atandy. Onyń jalpy ýaqyty 07:47:43. Jarystyń kúmis júldesin Alekseıden 55 sekýndqa qalyp qoıǵan Remı Dı Grıgorı ıelendi. Al qola medaldi velojarystyń ekinshi kezeńiniń jeńimpazy Iakob Fýlsang qanaǵat tutty – 01:04.
– Búgingi báıge qıyn boldy. Bizdiń ujym eki kún boıy keremet óner kórsetti. Osy joly Iakob basymdyq tanytady dep kelisken bolatynbyz. О́ıtkeni, ol taýly aımaqtardyń sheberi. Bul meniń osy maýsymdaǵy sońǵy jarysym. Endi Petropavlovsk qalasyna ketemin. Biraz demalamyn. Kelesi maýsymǵa kúsh jınaımyn, – dedi Alekseı Lýenko.
Sonymen qatar, Lýenko «Sprınterlik klassıfıkaııa jeńimpazy», «Jalpy klassıfıkaııa jeńimpazy» jáne «Úzdik qazaqstandyq veloshabandoz» nomınaııalaryn jeńip aldy. Al «taýly jerdegi kásipqoı klassıfıkaııasynyń jeńimpazy» ataǵyna Taýnsend Rorı ıe boldy.
– «Almaty týry – 2017» velojarysynda jeńiske jetkenime qatty qýanyp otyrmyn. Bul jarys Qazaqstanda bolǵan soń, komandamyz úshin mańyzy zor. Sondaı-aq, «Almaty týrynda» taýly kezeńiniń bolǵany jaqsy boldy. Sebebi, Almatynyń tabıǵaty óte sulý. Al ózge velododalar týraly keıinirek oılana jatarmyn. Qazir jarystarda ózime senip júrmin. Eń bastysy sol, – dedi Iakob Fýlsang.
Jeńimpazdar men júldegerlerdi marapattaý rásimine qala ákimi Baýyrjan Baıbek qatysyp, velodadany qorytyndylady:
– Biz «Almaty týr» halyqaralyq velojarysyn osymen besinshi ret ótkizdik. Osy jyly kásipqoı velododa jańa deńgeıge ósti. Halyaralyq Velosıpedshiler Odaǵynyń (UCI) kelisimimen kópkúndik tasjoldaǵy velojarys ataǵyna ıe boldy. Eýropa jáne Azııa qurlyǵynyń 17 elinen 20 komandanyń qalamyzda óner kórsetýi biz úshin úlken mártebe. Biz velosporttyń damýyna asa kóńil bólemiz. Astana Pro Team komandasyn jeńisimen shyn júrekten quttyqtaımyn. Myń boıaýly Almaty qalasy – álemdik deńgeıdegi alqaly jıyndar men sporttyq sharalar ótetin óńirlik Ortalyqqa aınaldy. Osynaý sporttyq is-sharalar qalalyq ınfroqurylymnyń qarqyndy damýyna, turǵyndar arasynda velosportty nasıhattaýda, ózindik yqpalyn tıgizeri cózsiz, – dep atap ótti qala ákimi Baýyrjan Baıbek.
Velojarystyń ekinshi kezeńi «Halyq Arena» ǵımaratynda bastalyp, «ShAJ-Ál-Farabı» marshrýtymen Tuńǵysh Prezıdenttiń saıabaǵynan «Medeý» taý shańǵysy kýrortyna deıin jalǵasty.
Aıta keteıik, birinshi kezeńde Alekseı Lýenko jarys jolyn 3 saǵat 49 mınýt jáne 52 sekýndta júrip ótti. Al ekinshi bolyp márege franýz veloshabandozy Remı Dı Grıgorı jetse, ırandyq Mırsamad Pýrsedıgolaxar qola júldeni qanaǵat tutty.
