Álem chempıonaty: Qazaqstan karateshileri altyn júlde aldy

Qazaqstan karateshileri Túrkııanyń Konıa qalasynda ótken álem chempıonatynda 2 altyn, 1 kúmis, 1 qola medal jeńip aldy.

Bul dodaǵa álemniń 105 elinen 1900 sportshy qatysyp, kúsh synasty. Onda Maksım Moskvıchev jasóspirimder arasynda 61 keli salmaqta top jardy. Taǵy bir otandasymyz Álıhan Qadyrǵalı kadetter arasynda 70 keli salmaqta synǵa túsip, jeńis tuǵyrynan kóterilse, jarysqa 55 keli salmaqta jasóspirimder arasynda qatysqan Bella Samasheva  kúmis júldege ıe boldy.

Sonymen birge taǵy bir sportshymyz Alısher Taıjanov 76 keliden asa salmaqta qola júldeni jeńip aldy.

Qazaqstandyqtar tek kýmıte baǵdarlamasynda júldege ıe boldy. Jalpy munda 40 memlekettiń ókiline ǵana medal buıyrdy. Japonııa quramasy 11 júldemen (8 altyn, 3 qola) jeke dara kósh bastasa, jarys qojaıyny Túrkııa (4 altyn, 4 kúmis, 3 qola medal) ekinshi oryn aldy. Odan keıingi oryndarǵa Egıpet pen Aljır jaıǵasty.

Dastan KENJALIN,

ASTANA