بوكسشى ايدوس ەربوسىن ۇلى كومادا جاتىر

TGB Promotions پروموۋتەرلىك كومپانياسى مەن Premier Boxing Champions تەلەفرانشيزاسى بوكسشى ايدوس ەربوسىن ۇلىنىڭ جاعدايى تۋرالى تۇسىنىك بەردى.

Sports.kz سايتىنىڭ حابارالۋىنشا، ايدوس ەربوسىن ۇلى ەكىنشى ورتا سالماقتاعى WBA Regular الەم چەمپيونى اتاعى ءۇشىن جەكپە-جەكتە كۋبالىق داۆيد موررەلدەن نوكاۋتپەن جەڭىلگەننەن كەيىن جاساندى كوماعا تۇسكەن.

TGB Promotions جانە PBC وكىلدەرى ايدوستىڭ كومانداسىمەن بىرگە ميننەاپوليستە. ءبىز جاعدايدى ءجىتى باقىلاپ وتىرمىز. بوكسشىنىڭ جەكە ومىرىنە جانە وتباسىنا قۇرمەتپەن قارايمىز. سوندىقتان قوسىمشا اقپارات بەرە المايمىز. بوكس جانكۇيەرلەرىن دۇعادا بولۋعا شاقىرامىز، – دەلىنگەن Fight Freaks Unite مالىمدەمەسىندە.

كەشە ايدوس ەربوسىن ۇلى مەن كۋبالىق داۆيد موررەل WBA تۇجىرىمى بويىنشا سۋپەر ورتا سالماقتاعى «تۇراقتى» الەم چەمپيونى اتاعى ءۇشىن قولعاپ تۇيىستىرگەن بولاتىن. وسى كەزدەسۋدە وتانداسىمىز نوكداۋننان كەيىن نوكاۋتقا ءتۇستى. سودان كەيىن تورەشى توني ۋيكس 12-راۋندتا جەكپە-جەكتى مەرزىمىنەن بۇرىن توقتاتىپ، جەڭىستى موررەلگە بەردى.

ايتا كەتسەك، ايدوس ەربوسىن ۇلى كاسىپقوي بوكستا العاش رەت نوكاۋتپەن جەڭىلىپ وتىر.

داستان كەنجالين،

استانا