Boksshy Aıdos Erbosynuly komada jatyr

TGB Promotions promoýterlik kompanııasy men Premier Boxing Champions telefranshızasy boksshy Aıdos Erbosynulynyń jaǵdaıy týraly túsinik berdi.

Sports.kz saıtynyń habaralýynsha, Aıdos Erbosynuly ekinshi orta salmaqtaǵy WBA Regular álem chempıony ataǵy úshin jekpe-jekte kýbalyq Davıd Morrelden nokaýtpen jeńilgennen keıin jasandy komaǵa túsken.

TGB Promotions jáne PBC ókilderi Aıdostyń komandasymen birge Mınneapolıste. Biz jaǵdaıdy jiti baqylap otyrmyz. Boksshynyń jeke ómirine jáne otbasyna qurmetpen qaraımyz. Sondyqtan qosymsha aqparat bere almaımyz. Boks jankúıerlerin duǵada bolýǵa shaqyramyz, – delingen Fight Freaks Unite málimdemesinde.

Keshe Aıdos Erbosynuly men kýbalyq Davıd Morrel WBA tujyrymy boıynsha sýper orta salmaqtaǵy «turaqty» álem chempıony ataǵy úshin qolǵap túıistirgen bolatyn. Osy kezdesýde otandasymyz nokdaýnnan keıin nokaýtqa tústi. Sodan keıin tóreshi Tonı Ýıks 12-raýndta jekpe-jekti merziminen buryn toqtatyp, jeńisti Morrelge berdi.

Aıta ketsek, Aıdos Erbosynuly kásipqoı boksta alǵash ret nokaýtpen jeńilip otyr.

Dastan KENJALIN,

ASTANA