كاتار ەكۆادور قۇراماسىنا پارا بەرمەك بولدى

كاتاردى جەڭىسكە جەتۋ ءۇشىن ەكۆادور فۋتبولشىلارىن «ساتىپ الۋعا» ارەكەت جاسادى دەپ ايىپتاپ جاتىر. 

كاتار ءوز ەلىنىڭ قۇراماسىنان جەڭىلۋلەرى ءۇشىن (ەسەپ 0:1، گول ەكىنشى تايمدا سالىنۋى كەرەك) ەكۆادوردىڭ سەگىز فۋتبولشىسىن 7،4 ملن دوللار اقشاعا ساتىپ العان. كاتار مەن ەكۆادوردىڭ اقپارات قۇرالدارى بۇل مالىمەتتى راستاپ وتىر.

جۋرناليست امدجاد تاح ءوزىنىڭ Twitter-دەگى اككاۋنتىنا وسى تۋرالى جازعان.

كاتاردا وتەتىن كەزەكتى الەم چەمپيوناتى 20 قاراشادا باستالىپ، 18 جەلتوقساندا اياقتالادى. مۋنديال وسى جولى ءبىرىنشى رەت قىس ايلارىندا وتەدى. سەبەبى، كاتاردا جاز ايلارىندا وتە ىستىق بولادى.

كاتار مەن ەكۆادور الەم چەمپيوناتىنىڭ اشىلۋ سالتاناتى بولعان سوڭ كەزدەسەدى.

كەزدەسۋ ەل-حاۋر قالاسىنداعى «ەل-بايت» ستاديونىندا بولادى.

داستان كەنجالين،

استانا