Janbota Aldabergenova álem kýbogynyń qola júldegeri atandy

Frıstaıl-akrobatıkadan Qazaqstan komandasynyń kóshbasshysy Janbota Aldabergenova Fınlıandııanyń Rýka qalasynda ótip jatqan álem kýbogy kezeńinde qola medal ıelendi.

Sportshy kórsetken óneri úshin 80.04 ball aldy.

Bul onyń jarysty qola júldemen aıaqtaýyna múmkindik berdi.

Birinshi oryndy Danıel Skott (Aýstralııa) jeńip alsa, Marıon Thenolt (Kanada) ekinshi orynǵa ıe boldy.

Janbota Aldabergenova —álem kýbogy birinshi kezeńiniń júldegeri, Olımpııa oıyndaryna úsh ret qatysqan (2014, 2018, 2022).

2015 jylǵy álem chempıonatynyń kúmis, Eýropa kýbogynyń birneshe dúrkin ıegeri jáne júldegeri.

Shymkent qalasynyń týmasy. Qazir Almatyda turady.

Dastan KENJALIN,

ASTANA