Censaııa: Ispanııa quramasy Marokkodan jeńilip qaldy

Fýtboldan Katarda ótip jatqan álem chempıonatynda Marokko men Ispanııa arasyndaǵy pleı-off kezeńindegi match aıaqtalyp, afrıkalyq qurama óz tarıhynda alǵash ret shırek fınalǵa shyqty. 

Bul kezdesýdiń negizgi ýaqytynda esep ashylǵan joq. Qosymsha taımda da qarsylastar bir-birine gol sala almady. Oıynnyń taǵdyry match sońyndaǵy penaltıde sheshildi.

Penaltı serııasynda Ispanııa quramasynyń úsh oıynshysy nysanany dál kózdeı almady. Olardyń bireýi qaqpa baǵanyna tıgizse, eki dopty qaqpashy Iassın Býný qaıtardy. Marokko sapynan úsh oıynshy qaqpany dál kózdedi. Osylaısha, afrıkalyq qurama óz tarıhynda alǵash ret álem chempıonatynyń shırek fınalyna joldama aldy.

Dastan KENJALIN,

ASTANA