ÁCh-2022: Shırek fınalǵa segiz myqty shyqty

Katarda ótip jatqan fýtboldan álem chempıonatynda búginge qaraǵan túni toptardan shırek fınalǵa shyqqan sońǵy juptyń quramalary anyqtaldy. 

Munyń keshe keshke oınalǵan birinshi match naǵyz sensaııalyq nátıjemen aıaqtaldy. «E» tobynan ekinshi bolyp shyqqan Ispanııa quramasy «F» tobynda top bastaǵan Marokko komandasymen oıynda jeńilip qaldy. Ispanııa quramasy osymen qatarynan ekinshi álem chempıonatynda shırek fınalǵa jete almaı otyr.

Budan keıin Portýgalııa quramasy Shveıarııany 6:1 etip talqandap jeńdi. Muny sensaııa demesek te, eshkim kútpegen nátıje bolǵany anyq edi. Osy matchta Krıshtıaný Ronaldýdyń shebinde alańǵa shyqqan Gonsalý Ramesh úsh gol salyp, mýndıaldaǵy alǵashqy het-trıkti tirkedi.

Bul eki qurama 2022 jyly Ulttar lıgasynda eki ret kezdesken bolatyn. Olardyń Lıssabonda ótken birinshi matchynda alań ıeleri 4:0 esebimen jeńse, Jenevada oınalǵan qarymta kezdesýi 1:1 bolyp aıaqtaldy.

Chempıonattyń 17-kúni, sóıtip, 1/8 fınaldyq kezeń óziniń máresine jetti.

Endi shırek fınaldyq kezdesýler 9-11 jeltoqsan kúnderi bolady.

9 jeltoqsan. 21:00.  Horvatııa – Brazılııa.

10 jeltoqsan. 01:00.  Nıderland – Argentına

21:00.  Marokko – Portýgalııa

11 jeltoqsan. 01:00.  Franııa – Anglııa

Jartylaı fınaldyq matchtar 14-15 jeltoqsan kúnderi saǵat 01:00-de bastalady.

Dastan KENJALIN,

ASTANA