پارا-حوككەي قۇراماسى الەم چەمپيوناتىندا كۇمىس جۇلدە الدى

 قازاقستاننىڭ پارا-حوككەيدەن قۇراما كومانداسى  س پۋلىنداعى الەم چەمپيوناتىندا ەكىنشى ورىنعا يە بولدى.

تۋرنيرگە قازاقستان، تايلاند، اۆستريا، ۇلىبريتانيا جانە فرانتسيا كوماندالارى قاتىستى.

بۇل — وتاندىق پاراسپورتشىلار ءۇشىن حالىقارالىق دەڭگەيدەگى العاشقى جارىس. دەبيۋتتىك تۋرنيردە سپورتشىلار ءتورت ماتچتا ءۇش رەت جەڭىسكە جەتتى (7:0، 10:0 جانە 9:2) جانە تۋرنير كەستەسىندە ەكىنشى ورىنعا تابان تىرەدى. وتاندامستارىمىز   ۇلىبريتانياعا (0:6) عانا ەسە جىبەرىپ قويدى.

پاراليمپيادا ويىندارىنىڭ چەمپيوناتىن ۇيىمداستىرۋشىلار قازاقستان قۇراماسىنىڭ ويىنىنا ءتانتى بولىپ، ەكىنشى ورىن العانىنا قاراماستان، 2023 جىلى ۆ توبىندا وتەتىن كەلەسى چەمپيوناتتا ونەر كورسەتۋىنە جولداما بەردى.

«قازاقستان حالقىنا» قوعامدىق قورىنىڭ قايىرىمدىلىق جوباسى اياسىندا ۇلتتىق قۇراماعا پارا-حوككەيدەن حالىقارالىق جارىستارعا دايىندالۋى جانە قاتىسۋى ءۇشىن سپورتتىق مۇكاممال ساتىپ الىپ بەردى. جوبا ەلىمىزدە پاراليمپيادالىق حوككەيدى دامىتۋعا جانە قولداۋعا ارنالعان.

الەم چەمپيوناتىندا پاراسپورتشىلار قور تابىس ەتكەن 50 دانا سىرعىتپا تاياقپەن ونەر كورسەتتى. سونداي-اق، قۇراماعا 16 شانا جەتكىزىلەدى. بۇل ماقساتقا «قازاقستان حالقىنا» قورى 12،4 ميلليون تەڭگە ءبولدى

داستان كەنجالين،

استانا