Para-hokkeı quramasy álem chempıonatynda kúmis júlde aldy

 Qazaqstannyń para-hokkeıden qurama komandasy  S pýlyndaǵy álem chempıonatynda ekinshi orynǵa ıe boldy.

Týrnırge Qazaqstan, Taıland, Avstrııa, Ulybrıtanııa jáne Franııa komandalary qatysty.

Bul — otandyq parasportshylar úshin halyqaralyq deńgeıdegi alǵashqy jarys. Debıýttik týrnırde sportshylar tórt matchta úsh ret jeńiske jetti (7:0, 10:0 jáne 9:2) jáne týrnır kestesinde ekinshi orynǵa taban tiredi. Otandamstarymyz  Ulybrıtanııaǵa (0:6) ǵana ese jiberip qoıdy.

Paralımpıada oıyndarynyń chempıonatyn uıymdastyrýshylar Qazaqstan quramasynyń oıynyna tánti bolyp, ekinshi oryn alǵanyna qaramastan, 2023 jyly V tobynda ótetin kelesi chempıonatta óner kórsetýine joldama berdi.

«Qazaqstan halqyna» qoǵamdyq qorynyń qaıyrymdylyq jobasy aıasynda ulttyq quramaǵa para-hokkeıden halyqaralyq jarystarǵa daıyndalýy jáne qatysýy úshin sporttyq múkámmal satyp alyp berdi. Joba elimizde paralımpıadalyq hokkeıdi damytýǵa jáne qoldaýǵa arnalǵan.

Álem chempıonatynda parasportshylar Qor tabys etken 50 dana syrǵytpa taıaqpen óner kórsetti. Sondaı-aq, quramaǵa 16 shana jetkiziledi. Bul maqsatqa «Qazaqstan halqyna» qory 12,4 mıllıon teńge bóldi

Dastan KENJALIN,

ASTANA