Qazaq kúresi: Qazaqstan taǵy bes altyn júlde aldy

Astanada ótip jatqan qazaq kúresinen álem chempıonatynyń ekinshi kúni ulttyq quramanyń balýandary bes altyn jáne bir kúmis medal jeńip aldy.

«Qazaq kuresi» qaýymdastyǵynyń habarlaýynsha, chempıondar alty salmaq dárejesinde óner kórsetti. Olardyń arasynda jeńis tuǵyrynan kóringenderdiń tórteýi – erler bolsa, eki medaldi qorjynǵa áıelder quramasynyń ókilderi saldy.

Chempıonattyń ekinshi kúni Bekhan Tólepov (55 kg), Nur Amanshuqyrov (66 kg), Jumajan Qojambekov (74 kg), Raýza Nurmahametova (55 kg) men Zarına Zarıpova (65 kg) tuǵyrdyń bıik satysyna kóterildi. Al 60 keli salmaq dárejesinde boz kilemge shyqqan Marat Nyǵmatýlaev kúmis medal enshiledi.

Álemdik dodany 40 elden 350 balýan qatysyp jatyr. Jarystyń alǵashqy kúni el sportshylary úsh altyn medal jeńip alǵan edi.

Dastan KENJALIN,

ASTANA