مەسسيدى بارىنشا شەكتەۋگە تىرىسامىز — ديدە دەشام

فۋتبولدان فرانتسيا قۇراماسىنىڭ باس جاتتىقتىرۋشىسى ديدە دەشام ارگەنتينا كومانداسى مەن ليونەل مەسسي تۋرالى ويىن ايتتى.

2018 جىلى رەسەيدە وتكەن الەم چەمپيوناتىندا فرانتسيالىقتار ارگەنتينانى 1/8 فينالدا ۇتقان بولاتىن. وسى جولى ەكى كوماندا فينالدا وينايدى.

بۇل وڭاي بولعان جوق. بىراق ويىن ساپاسى، تاجىريبە مەن ويلاۋ ارقاسىندا ءبىز فينالعا جەتتىك.

مەسسي تۋرنير باسىنان تاماشا وينادى. ءتورت جىلدان كەيىن ول بىزگە قارسى ورتالىق شابۋىلشى پوزيتسياسىندا بولادى. قازىر ول وزگە شابۋىلشىمەن كوبىرەك وينايدى.

دەگەنمەن ءالى دە بوستاندىعى جەتەرلىك. جاقسى ويىنشى، دريبلينگتە دە كەرەمەت. ءبىز ونىڭ اسەرىن بارىنشا شەكتەۋگە تىرىسامىز. ولار دا ءبىزدىڭ كەي فۋتبولشىمىزدى سولاي ەتۋگە تىرىسادى»، — دەدى ديدە دەشام.

بۇعان دەيىن فۋتبولدان كاتاردا ءوتىپ جاتقان الەم چەمپيوناتىنىڭ جارتىلاي فينالىندا فرانتسيانىڭ ۇلتتىق قۇراماسى ماروككو كومانداسىن جەڭگەننەن كەيىن ەلدە جاپپاي تارتىپسىزدىك باستالعانىن جازعان ەدىك. تولقۋ قازىر فرانتسيامەن قاتار، بەلگيادا دا بولىپ جاتىر.

ەركەعالي بەيسەنوۆ،

استانا