ەلەنا رىباكينا «التىن ادام» سىيلىعىنىڭ لاۋرەاتى اتاندى

قازاقستاننىڭ ءبىرىنشى، الەمنىڭ 21-راكەتكاسى ەلەنا رىباكينا «التىن ادام» سىيلىعىنىڭ لاۋرەاتى اتاندى.

قازاقستان تەننيس فەدەراتسياسىنىڭ حابارلاۋىنشا، ەلەنا رىباكينا «سپورتتاعى جىل سەرپىلىسى» اتالىمى بويىنشا ۇزدىك شىقتى.

بيىل 23 جاستاعى سپورتشى قازاقستان تەننيسى تاريحىندا العاش رەت جەكەلەي سىندا ۋيمبلدون تۋرنيرىندە توپ جاردى. سونداي-اق تاعى ەكى WTA ءتۋرنيرىنىڭ جەڭىمپازى اتاندى.

بۇل بايقاۋدى «ەۋرازيا جىل ادامى» ۇيىمداستىرۋ كوميتەتى 2000 جىلدان بەرى وتكىزىپ كەلەدى. ءتۇرلى سالاداعى جىل ۇزدىكتەرىنە «التىن ادام» سىيلىقتارى تاپسىرىلادى. ونى انىقتاۋ ءۇشىن ەل اراسىندا ساۋالناما جۇرگىزىلىپ، ساراپشىلار داۋىس بەرەدى. ۇيىمداستىرۋ كوميتەتى تالداۋ جاساپ، قازىلار القاسى ۇزدىكتەردى تاڭدايدى.

ءار جىلدارى قازاقستاندا ولگا شيشيگينا، يليا يلين، الەكساندر ۆينوكۋروۆ، ەلەنا حرۋستالەۆا، گەننادي گولوۆكين، دميتري بالاندين، فيرۋزا ءشارىپوۆا، قازبەك ۆاليەۆ، زۋلفيا گابيدۋللينا جانە باسقا سپورتشىلار لاۋرەات اتاندى.

داستان كەنجالين،

استانا