Elena Rybakına «Altyn adam» syılyǵynyń laýreaty atandy

Qazaqstannyń birinshi, álemniń 21-raketkasy Elena Rybakına «Altyn adam» syılyǵynyń laýreaty atandy.

Qazaqstan tennıs federaııasynyń habarlaýynsha, Elena Rybakına «Sporttaǵy jyl serpilisi» atalymy boıynsha úzdik shyqty.

Bıyl 23 jastaǵy sportshy Qazaqstan tennısi tarıhynda alǵash ret jekeleı synda Ýımbldon týrnırinde top jardy. Sondaı-aq taǵy eki WTA týrnıriniń jeńimpazy atandy.

Bul baıqaýdy «Eýrazııa jyl adamy» uıymdastyrý komıteti 2000 jyldan beri ótkizip keledi. Túrli saladaǵy jyl úzdikterine «Altyn adam» syılyqtary tapsyrylady. Ony anyqtaý úshin el arasynda saýalnama júrgizilip, sarapshylar daýys beredi. Uıymdastyrý komıteti taldaý jasap, qazylar alqasy úzdikterdi tańdaıdy.

Ár jyldary Qazaqstanda Olga Shıshıgına, Ilıa Ilın, Aleksandr Vınokýrov, Elena Hrýstaleva, Gennadıı Golovkın, Dmıtrıı Balandın, Fırýza Sháripova, Qazbek Valıev, Zýlfııa Gabıdýllına jáne basqa sportshylar laýreat atandy.

Dastan KENJALIN,

ASTANA