Marokko quramasy 25 mln eýro syıaqyny qaıyrymdylyqqa jumsaıdy

Marokko eliniń ulttyq qurama komandasy Katarda ótken álem chempıonatynda tórtinshi orynǵa ıe bolǵany úshin Halyqaralyq fýtbol federaııasynan beriletin  25 mln eýro syıaqyny qaıyrymdylyq maqsatyna jumsaýdy maqsat etip otyr.  

Jýrnalıst Halıd Beıdýnnyń aıtýynsha, fýtbolshylar syıaqyny túgeldeı eldegi kedeı balalar men otbasylarǵa beredi.

Valıd Regrarı jattyqtyratyn Marokko quramasy álem chempıonatynda jartylaı fınalyna deıin jetken alǵashqy Afrıka jáne arab eliniń komandasy boldy.  Bul eldiń quramasy toptyq básekede Horvatııa, Belgııa jáne Kanadany artqa tastap, 1/8 fınalda Ispanııany  penaltı serııasynda joldan taıdyrdy. Odan keıin shırek fınalda Portýgalııadan 1:0 esebimen jeńip,  jartylaı fınalda ǵana Franııaǵa jol berdi. Al qola júlde úshin oıynda Horvatııaǵa ese jiberdi.

Álem chempıonaty aıaqtalysymen Marokko quramasy elderine oralyp, myńdaǵan jankúıerdiń qoshametine bólendi. Olardy halyq ulttyq batyr retinde qarsy aldy. Qurama komandany el astanasy Rabat qalasynyń kóshesindegi sherýden keıin analarymen birge Marokkonyń koroli Muhammed VI qabyldap, qurmet kórsetti.

Dastan KENJALIN,

ASTANA