ءبيبىسارا اساۋباەۆا: «بيىل مەن ءۇشىن ماڭىزدى جارىس كوپ»

استاناعا بليتس شاحماتتان ەكى دۇركىن الەم چەمپيونى ءبيبىسارا اساۋباەۆا مەن اناسى ءارى جەكە جاتتىقتىرۋشىسى ليانا تاڭجارىقوۆا كەلدى. ولاردى اۋەجايدان باق وكىلدەرى، شاحماتتان ۇلتتىق قۇرامانىڭ باس باپكەرى پاۆەل كوتسۋر مەن سپورتتى دامىتۋ ديرەكتسياسىنىڭ رەسمي وكىلدەرى كۇتىپ الدى. وسى جەردە شاحماتشى جۋرناليستەرگە بيىلعى جوسپارى تۋرالى از-كەم ايتا كەتتى.

بيىل بىرقاتار ماڭىزدى جارىستا وينايمىن. الەمدىك گران-پريلەر سەرياسى، الەم كۋبوگى مەن الەم چەمپيوناتىندا جاقسى ناتيجە كورسەتۋگە تىرىسامىن. العاشقى جارىسىم ناۋرىزداعى گران-ءپريدىڭ كەلەسى كەزەڭى. سونداي-اق كۇزدە قىتايدا وتەتىن ازيا ويىندارىنا دا قاتىسۋ جوسپاردا بار،- دەدى ءبيبىسارا اساۋباەۆا.

بىلتىر قىركۇيەك ايىندا استانادا 2022-2023 جىلعى ماۋسىمداعى ايەلدەر اراسىنداعى فيدە گران-ءپريىنىڭ العاشقى كەزەڭى وتكەن بولاتىن. تاڭداۋلى 12 شاحماتشىنىڭ اراسىندا جانسايا ابدىمالىك بەسىنشى، ال ءبيبىسارا اساۋباەۆا ونىنشى ورىندى يەلەنگەن ەدى.

ەندى گران-ءپريدىڭ ەكىنشى كەزەڭى اقپان ايىندا گەرمانيانىڭ ميۋنحەن قالاسىندا وتسە، ءۇشىنشى كەزەڭى ءۇندىستاندا بولادى. ال سوڭعى ءتورتىنشى كەزەڭ پولشانىڭ بىدگوش قالاسىندا ۇيىمداستىرىلادى.

18 قاڭتاردا قازاقستان شاحمات فەدەرەتسياسىنىڭ سەزى وتەدى. وعان ۇلتتىق قۇرامانىڭ بارلىق شاحماتشىسى قاتىسادى.

نايما ءنۇرالى،

استانا