Ýnıversıada: Qazaqstannyń qorjyny bir altyn, bir qola medalmen tolyqty

Bıatlonshy Bekentaı Turlybekov AQSh-ta ótip jatqan Qysqy ýnıversıadada 10 shaqyrymǵa sprınt jarysynda chempıon atandy.

Jarys barysynda ol eki atys syzyǵynda birde-bir oqty bos jibergen joq. Nátıje kórsetken ýaqyty – 27:51,5. Osylaısha bıatlonshy el quramasyna úshinshi altyndy saldy.

Atalǵan jarysta ekinshi oryn Born Ýesterveltke buıyrsa, úshinshi orynǵa taǵy bir otandasymyz Aleksandr Mýhın ıe boldy. Nátıjesinde Ýnıversıadada el quramasy 1 altyn, 1 qola medal aldy.

Buǵan deıin bıatlonshy Vadım Kýrales pen shańǵymen sekirý sportynan Danıl Vasılev chempıon atanǵan bolatyn.

Osylaısha, medaldar kestesinde qazaqstandyq sportshylar 3 altyn, 1 qola júldemen 3-orynǵa kóterildi. Alda Japonııa jáne Fınlıandııa quramalary keledi.

Dınara QALIEVA,

ASTANA