Азия чемпионаты: Махмұд Сабырхан жартылай финалға шықты

Боксшы Махмұд Сабырхан 22 жасқа дейінгі жастар арасындағы Азия чемпионатының жартылай финалына шықты.

Ширек финалда 57 келіге дейінгі салмақта өнер көрсететін боксшы Махмұд Сабырхан малазиялық Акмаль Мухамадты жеңді. Жекпе-жек кезінде Сабырхан қарсыласын бірнеше рет нокдаунға түсірді. Осыған байланысты төреші малазиялықтың таяқ жеуін тоқтатуды ұйғарды.

Осылайша, техникалық нокаутпен жеңіске жеткен Махмұд Сабырхан кемі қола жүлдеге ілігіп отыр.

Дастан КЕНЖАЛИН,

АСТАНА