SportPress.kz قازاقستان سپورت جاڭالىقتارى
تايلاندتىڭ بانگكوك قالاسىندا ءوتىپ جاتقان جاستار اراسىنداعى ازيا چەمپيوناتىنىڭ ايەلدەر اراسىنداعى باسەكەسىندە قازاقستان العاشقى فينالدىق جولداماعا يە بولدى.
70 كيلودا باق سىناعان وتانداسىمىز جاسمين قيزاتوۆا ۆەتنامدىق ترۋونگ مين تحۋ كيۋنحپەن كەزدەسىپ، ءۇشىنشى راۋندتا تەحنيكالىق نوكاۋتپەن جەڭىسكە جەتتى. ەكىنشى جانە ءۇشىنشى راۋندتاردا ۆەتنامدىق سپورتشى نوكداۋنعا تۇسكەندە تورەشى جاسمين قيزاتوۆا جەڭدى دەگەن شەشىم شىعاردى. وسىلايشا، وتانداسىمىز كوماندالاستارىنىڭ اراسىنان العاش بولىپ فينالعا جولداما الىپ، ەندى التىن جۇلدە ءۇشىن سىنعا تۇسەدى.
تاعى ءبىر بوكسشى گۇلسايا ەرجان ەل قورجىنىنا 22 جاسقا دەيىنگى جاستار اراسىنداعى ازيا چەمپيوناتى فينالدىق باسەكەسىنىڭ ەكىنشى جولداماسىن سالدى.
81 كيلوعا دەيىنگى سالماق دارەجەسىندە ونەر كورسەتكەن گۇلسايا ەرجان جارتىلاي فينالدا نەپال ەلىنىڭ سپورتشىسى تريشا دجەبەگۋمەن جۇدىرىقتاسىپ، تورەشىلەردىڭ ءبىراۋىزدان شىعارعان شەشىمىمەن جەڭىسكە جەتتى. ەندى گۇلسايا ەرجان التىن جۇلدە ءۇشىن تالاسادى.
گۇلسايا ەرجان بوكستان قازاقستان ايەلدەر قۇراماسى ساپىنان فينالعا جولداما العان ەكىنشى سپورتشى بولدى. 81 كيلودا باق سىنايتىن سپورتشىمىزدىڭ الدىندا دانا ديداي فينالعا جولداما العان بولاتىن.
داستان كەنجالين،
استانا
