Azııa chempıonaty: eki boksshy fınalǵa joldama aldy

Taılandtyń Bangkok qalasynda ótip jatqan jastar arasyndaǵy Azııa chempıonatynyń áıelder arasyndaǵy básekesinde Qazaqstan alǵashqy fınaldyq joldamaǵa ıe boldy.

70 kıloda baq synaǵan otandasymyz Jasmın Qızatova vetnamdyq Trýong Mın Thý Kıýnhpen kezdesip, úshinshi raýndta tehnıkalyq  nokaýtpen jeńiske jetti. Ekinshi jáne úshinshi raýndtarda vetnamdyq sportshy nokdaýnǵa túskende tóreshi Jasmın Qızatova jeńdi degen sheshim shyǵardy. Osylaısha, otandasymyz komandalastarynyń arasynan alǵash bolyp fınalǵa joldama alyp, endi altyn júlde úshin synǵa túsedi.

Taǵy bir boksshy Gúlsaıa Erjan el qorjynyna 22 jasqa deıingi jastar arasyndaǵy Azııa chempıonaty fınaldyq básekesiniń ekinshi joldamasyn saldy.

81 kıloǵa deıingi salmaq dárejesinde óner kórsetken Gúlsaıa Erjan jartylaı fınalda Nepal eliniń sportshysy Trısha Djebegýmen judyryqtasyp, tóreshilerdiń biraýyzdan shyǵarǵan sheshimimen jeńiske jetti. Endi Gúlsaıa Erjan altyn júlde úshin talasady.

Gúlsaıa Erjan bokstan Qazaqstan áıelder quramasy sapynan fınalǵa joldama alǵan ekinshi sportshy boldy. 81 kıloda baq synaıtyn sportshymyzdyń aldynda Dana Dıdaı fınalǵa joldama alǵan bolatyn.

Dastan KENJALIN,

ASTANA