SportPress.kz قازاقستان سپورت جاڭالىقتارى
تەننيستەن اۆستراليانىڭ اشىق چەمپيوناتىنىڭ 1/4 فينالىندا وتانداسىمىز، ۋيمبلدون — 2022 ءتۋرنيرىنىڭ چەمپيونى ەلەنا رىباكينا لاتۆيالىق ەلەنا وستاپەنكومەن كەزدەسىپ، ونى 6:2، 6:4 ەسەبىمەن جەڭگەن سوڭ، جارتىلاي فينالدا الەمنىڭ 18-راكەتكاسى، «ۇلكەن دۋلىعا» جارىسىنىڭ ەكى مارتە جەڭىمپازى بەلارۋستىڭ وكىلى ۆيكتوريا ازارەنكومەن كۇش سىناستى.
رىباكينا مەن ازارەنكو وسىعان دەيىن بىلتىر اقش-تىڭ ينديان-ۋەللس قالاسىندا وتكەن تۋرنيردە كەزدەسكەن ەدى. سول كەزدە رىباكينا قارسىلاسىن 6:3، 6:4 ەسەبىمەن باسىم تۇسكەن بولاتىن. ال وسى جولى قازاقستان تەننيسشىسى العاش رەت اۆستراليانىڭ اشىق چەمپيوناتىنىڭ جارتىلاي فينالىنا شىعىپ، تاعى دا ۆيكتوريا ازارەنكومەن كەزدەستى.
بەلارۋس تەننيسشىسى مەلبۋرن كورتتارىندا 2012 جانە 2013 جىلدارى ەكى رەت جەكەلەي سىندا جەڭىسكە جەتكەن. بيىلعى سىندا ول قارسىلاستارىنىڭ ءبارىن جولدان شىعارىپ، جارتىلاي فينالعا دا ەمىن-ەركىن جەتتى.
كەزدەسۋ اسا تارتىستى جانە قىزىقتى ءوتىپ، 2 ساعاتقا جۋىق ۋاقىتقا سوزىلدى. ماتچتا رىباكينا قارسىلاسىن ءبىرىنشى پارتيادا 7:6، 6:4 ەسەبىمەن جەڭدى.
ەكىنشى جارتىلاي فينالدا تاعى ءبىر بەلارۋس تەننيسشىسى ارينا سوبولەنكو (5 WTA) فينالعا شىعۋ ءۇشىن پولشا وكىلى ماگدا لينەتپەن (45 WTA) كەزدەسەدى. سپورتشىلار ءبىر-بىرىمەن ەكى رەت ويناعان. ەكەۋىندە دە ارينا سوبولەنكو جەڭگەن.
«Australian Open» مەلبۋرندەگى «مەلبۋرن پارك رود لەيۆەر ارەنا» ستاديونىندا بولىپ جاتىر.
اۆستراليانىڭ اشىق چەمپيوناتى 30 قاڭتاردا ءوز مارەسىنە جەتەدى.
داستان كەنجالين،
استانا
