Taǵy eki qazaq boksshysy Azııa chempıony atandy

Bokstan Taılandtyń astanasy Bangkokta ótip jatqan 22 jasqa deıingi Azııa chempıonatynda Sanjar Táshkenbaıdyń izin ala 54 kg salmaqtaǵy Nursultan Altynbek pen 57 kg salmaqta sharshy alańǵa shyqqan Mahmud Sabyrhan da altyn medaldi jeńip aldy.

Fınalda Nursultan Altynbek fılıppındik Flınt Djaramen kezdesip, ony qınalmaı utty. Al Mahmud Sabyrhannyń qarsylasy taı boksshysy Saravýt Sýkthet otandasymyzǵa laıyqty qarsylyq tanytty. Alaıda, Mahmud Sabyrhan sharshy alańda shapshań jáne jeńiske degen jigerligin kórsetip, rıngtiń ıesine esh múmkindik bermedi. Tóreshiler sheshimi boıynsha Mahmud aıqyn jeńiske jetti.

Mahmud Sabyrhan byltyr eresekter arasyndaǵy Azııa chempıonatynyń kúmis júldegeri bolǵan edi. Endi mine, jastar arasyndaǵy qurlyqtyń chempıony ataǵyn jeńip alyp otyr.

Osyǵan deıin Sanjar Táshkenbaı Azııa chempıony atansa, Abzal Serik (67 kg), Sabyrjan Aqqalyqov (71 kg) pen Dıas Moljigitov  (75 kg) kúmis medalge ıe boldy. Bul úsheýi fınalda ózbek boksshylary Bekzod Hamıdov, Nýrıslom Ismoılov pen Alohon Abdýllaevtan utyldy.

Dastan KENJALIN,

ASTANA