الەمدىك تۋردىڭ گران-پري فينالىندا ەكى قازاق كۇش سىناستى

پورتۋگاليانىڭ المادا قالاسىندا الەمدىك تۋردىڭ گران-پريىندە اتىراۋلىق دزيۋدوشى ءابيبا ابۋجاقىنوۆا التىن مەدال جەڭىپ الدى.

ءبىر قىزىعى، 48 كەلىگە دەيىنگى سالماق دارەجەسىندەگى فينالدا ەكى قازاقستاندىق ءبىر-بىرىنە قارسى باق سىنادى. سول ساتتە ءابيبا ابۋجاقىنوۆا عاليا تىنباەۆامەن كەزدەسىپ، ۆادزا-ءاريدى باعالاۋعا لاقتىرۋ ارقىلى جەڭىسكە جەتتى.

قازاقستاندىق سپورتتا ايەلدەر اراسىندا مۇنداي جاعداي ءبىرىنشى رەت بولىپ تۇر. سپورتشىلارعا مەدالداردى حالىقارالىق دزيۋدو فەدەراتسياسىنىڭ باس ديرەكتورى ۆلاد مارينەسكۋ تابىستادى.

25 جاستاعى جەڭىمپاز ءابيبا ابۋجاقىنوۆا – 2022 جىلعى تاشكەنتتەگى الەم چەمپيوناتىنىڭ قولا جۇلدەگەرى، ابۋ-دابيدەگى «ۇلكەن دۋلىعا» ءتۋرنيرىنىڭ قولا جۇلدەگەرى، ازيا چەمپيوناتىنىڭ كۇمىس جۇلدەگەرى.

ەركەعالي بەيسەنوۆ،

استانا