SportPress.kz Қазақстан спорт жаңалықтары
Боксшы Виктор Теміров кәсіби рингтегі үшінші жекпе-жегін өткізді.
22 жастағы былғары қолғап шебері Германияда өткен бокс кешінде өнер көрсетіп, тәжірибелі босниялық Милош Яньянинмен кездесті.
Бірінші орта салмақтағы жекпе-жек төрт раундқа жоспарланса да айқас ұзаққа созылмады. Үшінші раундта Теміров қарсыласын нокдаунға жіберді. Содан кейін төреші отандасымыздың техникалық нокаутпен жеңіске жеткенін тіркеді.
Осылайша Виктор Теміров кәсіпқой бокстағы үшінші жеңісіне жетті.
Ол барлығында нокаутпен жеңген. Ал Милош Яньянин 41 рет жеңілді.
Теміровтың лақап аты «қасапшы» екен. Бірақ Германияның жанкүйерлері Викторды әйгілі отандасымен салыстырып, «жас Головкин» деп атады.
Дастан КЕНЖАЛИН,
АСТАНА
