Nysana kózdeýden Qazaqstan quramasy Álem kýbogynda birinshi oryndy ıelendi

Qazaqstan quramasy nysana kózdeýden 11 medal jeńip alyp, Álem kýbogynyń medaldyq esebinde birinshi orynǵa ıe boldy.

Mádenıet jáne sport mınıstrliginiń habarlaýynsha, nysana kózdeýden Qazaqstan quramasy reıtıngtik Álem kýbogynda komandalyq birinshi oryndy ıelengen. Indonezııa astanasy Jakartada ótken jarysta el namysyn 15 sportshy qorǵady. Olar 11 medaldi (3 altyn, 5 kúmis, 3 qola) jeńip aldy.

Jalpy, bul álemdik dodaǵa 32 elden 350 sportshy qatysty. Sonyń ishinde Qazaqstannan chempıondyq ataqqa Nıkıta Chırıýkın men Arına Altýhova jáne quramynda Aleksandra Le, Elızaveta Bezrýkova, Anastasııa Grıgoreva óner kórsetken áıelder quramasy ıe boldy.

Indonezııadaǵy Álem kýbogy reıtıngtik jarys bolǵandyqtan, onyń qorytyndysy boıynsha upaılar úlestirilip, komandalar ISSF kestesinde kóteriledi. Demek 2024 jylǵy Parıj Olımpıadasynyń lıenzııalaryn ıelenýge múmkindik beriledi.

Dınara AMANTAI,

ASTANA