SportPress.kz قازاقستان سپورت جاڭالىقتارى
18 جاستاعى قازاقستاندىق شاحماتشى ءبيبىسارا اساۋباەۆا جۋرناليست دينارا ساتجانعا بەرگەن سۇحباتىندا ءوزىنىڭ جۇلدەلەرى مەن قوماقتى سىياقىلارى تۋرالى ايتتى.
بيىل ول الماتىدا وتكەن بليتستەن الەم چەمپيوناتىندا ەكىنشى مارتە جەڭىمپاز اتانعان بولاتىن.
چەمپيون اتانىپ، كۋبوك پەن مەدالدان بولەك، اقشالاي سىياقى الدىم. جاسالعان كەلىسىم بويىنشا، تولەماقىنىڭ 50 پايىزىن جاتتىقتىرۋشىما بەرەمىن. ءبىرىنشى ورىنعا 40 مىڭ دوللار بەردى. ونىڭ كوپ بولىگىن اناممەن ءبولىستىم، – دەدى جاس شاحماتشى.
ونىمەن سۇحباتقا بىرگە كەلگەن اناسى ليانا تاڭجارىقوۆانىڭ ايتۋىنشا، ءبيبىسارا شاحماتپەن 4 جاسىنان باستاپ اينالىسادى ەكەن. ءبىر جاسىندا انىق سويلەپ، 30-دان اسا ولەڭ شۋماقتارىن جاتقا ايتاتىن بولىپتى.
اپكەم كارتا ويناۋدى، اكەم شاحمات ويناۋدى ۇيرەتتى. ءتورت جاسىندا ۇيىرمەگە بارعاندا جاسى كىشى بولعاندىقتان قابىلداماي قويدى. قىزىما بۇل جولدىڭ اۋىر، قيىندىققا تولى ەكەنىن ەسكەرتتىم. بۇگىندە 14 جىل شاحماتپەن قول ۇزبەي جاتتىعىپ كەلەدى، – دەدى اناسى.
جاقىندا شاحماتشى ماسكەۋگە بارىپ، بەلگىلى گروسسمەيستەر سەرگەي كارياكيندى جەڭگەن بولاتىن.
ەركەعالي بەيسەنوۆ،
استانا
