«50 paıyzyn jattyqtyrýshyma beremin». Asaýbaeva shahmattan qansha tabys tapqanyn aıtty

18 jastaǵy qazaqstandyq shahmatshy Bıbisara Asaýbaeva jýrnalıst Dınara Sátjanǵa bergen suhbatynda óziniń júldeleri men qomaqty syıaqylary týraly aıtty.

Bıyl ol Almatyda ótken blıten álem chempıonatynda ekinshi márte jeńimpaz atanǵan bolatyn.

Chempıon atanyp, kýbok pen medaldan bólek, aqshalaı syıaqy aldym. Jasalǵan kelisim boıynsha, tólemaqynyń 50 paıyzyn jattyqtyrýshyma beremin. Birinshi orynǵa 40 myń dollar berdi. Onyń kóp bóligin anammen bólistim, – dedi jas shahmatshy.

Onymen suhbatqa birge kelgen anasy Lıana Tańjaryqovanyń aıtýynsha, Bıbisara shahmatpen 4 jasynan bastap aınalysady eken. Bir jasynda anyq sóılep, 30-dan asa óleń shýmaqtaryn jatqa aıtatyn bolypty.

Ápkem karta oınaýdy, ákem shahmat oınaýdy úıretti. Tórt jasynda úıirmege barǵanda jasy kishi bolǵandyqtan qabyldamaı qoıdy. Qyzyma bul joldyń aýyr, qıyndyqqa toly ekenin eskerttim. Búginde 14 jyl shahmatpen qol úzbeı jattyǵyp keledi, – dedi anasy.

Jaqynda shahmatshy Máskeýge baryp, belgili grossmeıster Sergeı Karıakındi jeńgen bolatyn.

Erkeǵalı BEISENOV,

ASTANA